ന്യൂഡൽഹി: പുതിയ കേന്ദ്ര കാബിനറ്റ് സെക്രട്ടറിയായി നിയമിതനായ ഐ.എ.എസ് ഉദ്യോഗസ്ഥൻ ടി.വി. സോമനാഥന് കേരളത്തിലും വേരുകൾ. തൃക്കൂർ വൈദ്യനാഥൻ സോമനാഥൻ എന്നാണ് 1987 ബാച്ച് തമിഴ്നാട് കേഡർ ഉദ്യോഗസ്ഥനായ ഇദ്ദേഹത്തിന്റെ മുഴുവൻ പേര്. തൃശൂരിലെ തൃക്കൂരിൽ നിന്ന് പഴയ മദിരാശിയിലേക്ക് കുടിയേറിയവരാണ് പൂർവ്വികർ.
ധനകാര്യ സെക്രട്ടറിയായി പ്രവർത്തിക്കവെയാണ് ടി.വി. സോമനാഥൻ സിവിൽ സർവീസിലെ ഒന്നാം നമ്പർ പദവിയിൽ ആഗസ്റ്റ് 30 മുതൽ രണ്ടു വർഷത്തേക്ക് നിയമിതനായത്. പ്രധാനമന്ത്രി നരേന്ദ്രമോദിയുടെ വിശ്വസ്തനാണ്. 2021ൽ ധനകാര്യ സെക്രട്ടറിയാകും മുൻപ് പ്രധാനമന്ത്രിയുടെ ഒാഫീസിൽ ജോയിന്റ് സെക്രട്ടറിയായിരുന്നു. മോദി സർക്കാരിന്റെ ബഡ്ജറ്റുകളിൽ സാമ്പത്തിക വിദഗ്ദ്ധനായ ഇദ്ദേഹത്തിന്റെ സംഭാവനകളുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |