അണ്ടർ 23 ക്രിക്കറ്റിൽ കണ്ണൂരിന് ഉജ്ജ്വല വിജയം

തലശ്ശേരി:മലപ്പുറം പെരിന്തൽമണ്ണ കെ.സി എ സ്റ്റേഡിയത്തിൽ നടക്കുന്ന അണ്ടർ 23 ആൺകുട്ടികളുടെ ഉത്തര മേഖല അന്തർ ജില്ല ഏകദിന ടൂർണ്ണമെന്റിൽ കണ്ണൂർ 7 വിക്കറ്റിന് കാസർകോടിനെ പരാജയപ്പെടുത്തി.ആദ്യം ബാറ്റ് ചെയ്ത കാസർകോട് 43.1 ഓവറിൽ 213 റൺസിന് എല്ലാവരും പുറത്തായി.കാസർകോടിന് വേണ്ടി എം.ആർ.ജഗന്നാഥൻ 110 റൺസെടുത്തു. കണ്ണൂരിന് വേണ്ടി തേജസ് വിവേക് 26 റൺസിന് 5 വിക്കറ്റും ശ്രിധിൻ മാരാർ 32 റൺസിന് 4 വിക്കറ്റും വീഴ്ത്തി.മറുപടിയായി കണ്ണൂർ 29.5 ഓവറിൽ 3 വിക്കറ്റ് നഷ്ടത്തിൽ വിജയലക്ഷ്യം നേടി.കണ്ണൂരിന് വേണ്ടി ഒമർ അബൂബക്കർ പുറത്താകാതെ 92 പന്തിൽ 147 റൺസെടുത്തു.
നാളെ കണ്ണൂർ കോഴിക്കോടിനെ നേരിടും.