ഭാഗ്യലക്ഷ്മിക്ക് ഭീഷണി സന്ദേശം

തിരുവനന്തപുരം: ഡബ്ലി.സി.സിയ്ക്ക് ഒപ്പം നിന്നാൽ അടിക്കുമെന്ന് ഭീഷണി സന്ദേശം വന്നെന്ന് ചലച്ചിത്ര പ്രവർത്തക ഭാഗ്യലക്ഷ്മി.

'ഫോണിൽ വളരെ സൗമ്യമായി വിളിച്ച്, ഭാഗ്യലക്ഷ്മിയണോ എന്ന് ചോദിച്ചതിന് ശേഷം, നടൻമാർക്കെതിരെ എന്തെങ്കിലും പറഞ്ഞാൽ കുനിച്ചു നിറുത്തി ഇടിക്കുമെന്നോ അങ്ങനെ എന്തൊക്കെയോ പറഞ്ഞു. വീട്ടിലെത്തി ഉപദ്രവിക്കും എന്നാണ് വിളിച്ചയാൾ പറഞ്ഞത്. അത്യാവശ്യം മറുപടി കൊടുത്തിട്ടുണ്ട്. ഇത് പ്രതീക്ഷിച്ചിരുന്നു. എന്നെ ഇതുവരെ ആരും ഫോണിൽ വിളിച്ച് ഭീഷണിപ്പെടുത്തിയിട്ടില്ല'- ഭാഗ്യലക്ഷ്മി പറഞ്ഞു. ഫോൺ നമ്പരുൾപ്പെടെ പൊലീസിൽ പരാതി നൽകുമെന്നും അവർ പറഞ്ഞു.