കേന്ദ്രമന്ത്രി ജോർജ് കുര്യൻ എതിരില്ലാതെ രാജ്യസഭയിലേക്ക്

ന്യൂഡൽഹി: കേരളത്തിൽ നിന്നുള്ള ബി.ജെ.പി നേതാവും കേന്ദ്ര ഫിഷറീസ്, മൃഗസംരക്ഷണ, ക്ഷീരവികസന സഹ മന്ത്രിയുമായ ജോർജ് കുര്യൻ മധ്യപ്രദേശിൽ നിന്ന് രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടു.

രാജ്യസഭാംഗമാകാൻ അവസരം നൽകിയ പ്രധാനമന്ത്രി നരേന്ദ്ര മോദിക്ക്ജോർജ് കുര്യൻ നന്ദി പറഞ്ഞു. മധ്യപ്രദേശിനും കേരളത്തിനുമിടയിലെ ചങ്ങലയായി പ്രവർത്തിക്കുമെന്നും അദ്ദേഹം പറഞ്ഞു. ഉരുൾപൊട്ടൽ ദുരന്തമുണ്ടായ വയനാടിനുള്ള മദ്ധ്യപ്രദേശിന്റെ 20 കോടി രൂപ സഹായം ഇരു സംസ്ഥാനങ്ങളും തമ്മിലുള്ള ബന്ധത്തിന് തെളിവാണ്. ധനസഹായം നൽകിയ മധ്യപ്രദേശ് മുഖ്യമന്ത്രി മോഹൻ യാദവിന് കേരളത്തിലെ ജനങ്ങൾക്ക് വേണ്ടി അദ്ദേഹം നന്ദി രേഖപ്പെടുത്തി. മുഖ്യമന്ത്രി മോഹൻ യാദവ്, സംസ്ഥാന ബി.ജെ.പി പ്രസിഡന്റ് വി.ഡി. ശർമ്മ തുടങ്ങിയവർ കുര്യനെ അഭിനന്ദിച്ചു.