സൗജന്യ നേത്ര പരിശോധനയും തിമിര ശസ്ത്രക്രിയ ക്യാമ്പും

ചെറുവക്കൽ: പെന്തക്കോസ്ത് യുവജന സംഘടന പി.വൈ.പി.എ ചെറുവക്കൽ യൂണിറ്റിന്റെ നേതൃത്വത്തിൽ തിരുനെൽവേലി അരവിന്ദ് കണ്ണാശുപത്രിയുടെയും ജില്ലാ അന്ധതാ നിവാരണ സൊസൈറ്റിയുടെയും സഹകരണത്തോടെ സൗജന്യ നേത്രചികിത്സാ ക്യാമ്പും തിമിര ശസ്ത്രക്രിയയും നടന്നു. ഇളമാട് ഗ്രാമപഞ്ചായത്ത് പ്രസിഡന്റ് വാളിയോട് ജേക്കബ് അദ്ധ്യക്ഷനായി. മന്ത്രി ജെ.ചിഞ്ചുറാണി ക്യാമ്പ് ഉദ്ഘാടനം ചെയ്തു. ഇളമാട് ഗ്രാമ പഞ്ചായത്ത് വൈസ് പ്രസിഡന്റ് കോമള കുമാരിഅമ്മ, ആരോഗ്യ-വിദ്യാഭാസ സ്റ്റാൻഡിംഗ് കമ്മിറ്റി ചെയർമാൻ ഐ. മുഹമ്മദ് റഷീദ്, കോട്ടയ്ക്കവിള വാ‌ർഡ് മെമ്പർ ലെവി മനോജ്, ഇളമ്മാട് സർവീസ് സഹകരണ ബാങ്ക് പ്രസിഡന്റ് അഡ്വ.എം.സി.ബിനുകുമാർ, ചെറുവക്കൽ ശാലേം ഐ.പി.സി സെക്രട്ടറി എം .ജോസ് എന്നിവർ സംസാരിച്ചു. പി.വൈ.പി.എ പ്രസിഡന്റ് പാസ്റ്റർ സുരേഷ് ബാബു, സെക്രട്ടറി രാജേഷ് മാമച്ചൻ എന്നിവരുടെ നേതൃത്വത്തിൽ പി.വൈ.പി.എ പ്രവർത്തകർ ക്യാമ്പിന് നേതൃത്വം നൽകി.