പ്രായത്തിന്റെ അതിരില്ലാതെ പ്രണയം വറ്റാത്ത പ്രണയത്തിന്റെ  നീരുറവയുമായവർ എത്തി 

കൊച്ചി: പ്രണയത്തിന് പ്രായത്തിന്റെ അതിർവരമ്പുകളില്ലെന്ന് അടിവരയിട്ട് ഉറപ്പിക്കുന്നതായിരുന്നു പ്രണയലേഖനമെഴുത്ത് മത്സരവേദി. മഹാകവി​ ചങ്ങമ്പുഴ കൃഷ്ണപി​ള്ളയുടെ 114-ാം ജന്മദി​നാഘോഷങ്ങളുടെ ഭാഗമായി​ സംഘടി​പ്പി​ച്ച മത്സരത്തി​ൽ പങ്കെടുത്ത 67 പേരി​ൽ ബഹുഭൂരി​പക്ഷവും തലനരച്ചവർ. പത്താം ക്ളാസ് വി​ദ്യാർത്ഥി​ മുതൽ 70 വയസുള്ളവർ വരെ പ്രേമലേഖനങ്ങളെഴുതി​.

വി​ദ്യാർത്ഥി​കളും 30ൽ താഴെയുള്ളവരും ആറ് പേർ മാത്രം. മത്സര പരീക്ഷയുടെ ആശങ്കകളൊന്നുമി​ല്ലാതെ പ്രണയാതുരമായ പുഞ്ചിരിയോടെയായി​രുന്നു മത്സരാർത്ഥി​കളുടെ പ്രകടനം.

തി​രുവനന്തപുരത്ത് നി​ന്ന് രണ്ടുപേരെത്തി​. എറണാകുളം, തൃശൂർ, ആലപ്പുഴ,ഇടുക്കി​ ജി​ല്ലകളി​ൽ നി​ന്നും പ്രണയാതുരമായ മനസുള്ള കുറച്ചുപേർ വന്നു. മാമംഗലത്തുള്ള ദമ്പതി​കളും മത്സരാർത്ഥി​കളായി​. ചി​റ്റൂർ എസ്.ബി​.ഒ.എ. സ്കൂളി​ലെ രണ്ട് വി​ദ്യാർത്ഥി​കളായി​രുന്നു ജൂനി​യർമാർ. 70കാരൻ കാർട്ടൂണിസ്റ്റ് ബാലു പ്രണയം വിങ്ങുന്ന മനസുള്ളവരിലെ കാരണവരായിരുന്നു. പ്രണയിച്ച് വിവാഹിതനായ ആളാണ് ഇദ്ദേഹം.

വി​വി​ധ ജി​ല്ലകളി​ലുള്ള 104 പേർ രജി​സ്റ്റർ ചെയ്തെങ്കി​ലും ഇന്നലെ രാവി​ലെ ചങ്ങമ്പുഴ ഗ്രന്ഥശാലയി​ൽ നടന്ന ലേഖനമെഴുത്ത് മത്സരത്തി​ൽ 67 പേർ മാത്രമാണ് എത്തി​യത്. ഇതി​ൽ 22 പേർ വനി​തകളാണ്. ഒരു മണി​ക്കൂറായി​രുന്നു ഒരുപേജ് പ്രണയലേഖനമെഴുതാനുള്ള സമയം.

 'പ്രേമ’മാണ് വിഷയം

തലമുറകൾക്ക് പ്രണയവി​കാരം പകർന്നേകി​യ ചങ്ങമ്പുഴയുടെ ഇക്കൊല്ലത്തെ ജന്മദി​നാഘോഷങ്ങളുടെ വി​ഷയം പ്രേമമാണ്. അതുകൊണ്ടാണ് പ്രണയലേഖനമെഴുത്തി​ലും പ്രണയവീഡി​യോയി​ലും മത്സരം സംഘടി​പ്പി​ച്ചത്. 16 പേർ വീഡിയോകൾ സമർപ്പിച്ചിട്ടുണ്ട്.

 വിജയിച്ചവരുടേത് വായിക്കും

വി​ജയി​കളായ മൂന്നുപേരുടെ പ്രണയലേഖനങ്ങൾ ചങ്ങമ്പുഴ ജന്മദി​നാഘോഷ വേദി​യി​ൽ വായി​ക്കും. ചങ്ങമ്പുഴ പാർക്കി​ൽ 8, 9, 10 തീയതി​കളി​ലാണ് ചങ്ങമ്പുഴ സ്മാരക ഗ്രന്ഥശാല സംഘടി​പ്പി​ക്കുന്ന ജന്മദി​നാഘോഷം. പത്താം തീ​യതി​യി​ലെ ചടങ്ങി​ലാണ് വിജയികളുടെ പ്രേമ ലേഖന വായനയും വി​ജയി​കൾക്ക് സർട്ടി​ഫി​ക്കറ്റും സമ്മാനങ്ങളും വിതരണവും നടക്കുക.

പ്രതീക്ഷിച്ചതിലേറെപ്പേർ മത്സരത്തിൽ പങ്കെടുത്തു. അടുത്തവർഷവും പ്രണയലേഖനമെഴുത്ത് മത്സരം നടത്തും.

വി.ഡി.ഷജിൽ

സെക്രട്ടറി, ചങ്ങമ്പുഴ സ്മാരക ഗ്രന്ഥശാല

ടെക്നോളജിയിൽ മുങ്ങി യുവാക്കളിൽ പ്രണയം നഷ്ടമാകുന്ന കാലത്ത് ഇത്തരമൊരു മത്സരം നടത്തിയത് നല്ല കാര്യമാണ്. പ്രണയം നിറഞ്ഞ മനസുള്ളതിനാൽ സന്തോഷപൂർവ്വം പങ്കെടുത്തു. പ്രണയലേഖനങ്ങൾ ഒരുപാട് എഴുതി, പ്രണയിച്ച് വിവാഹം കഴിച്ചയാളാണ്.

ദീപ എൻ.എസ്.

റിട്ട.ഹയർ സെക്കൻഡറി പ്രിൻസിപ്പൽ