ആപ്പിന്റെ പേരിൽ തട്ടിപ്പ്

തുറവൂർ: ഓൺലൈൻ ആപ്പിന്റെ പേരിൽ സ്ഥിരവരുമാനം വാഗ്ദാനം ചെയ്ത് വൻതുക തട്ടിയെന്ന് പരാതി. തുറവൂർ പഞ്ചായത്തിലെ നിരവധി പേർ കുത്തിയതോട് പൊലീസിൽ പരാതി നൽകി. എ.എസ് ഒ എന്ന പേരിലുള്ള ആപ്പിൽ രജിസ്റ്റർ ചെയ്തു കഴിഞ്ഞാൽ 3 പദ്ധതികളിലൂടെ പ്രതിദിനം നിശ്ചിത വരുമാനം വാഗ്ദാനം ചെയ്താണ് തട്ടിപ്പ്. തുറവൂർ വളമംഗലം പുത്തൻ പുരയ്ക്കൽ ടെൽസ്റ്ററുടെ ഭാര്യ ജെൻസിക്കെതിരെയാണ് 83 പേർ പരാതി നൽകിയത്. മുൻകൂറായി പണം അടച്ച് ആപ്പിൽ പ്രവേശിക്കുമ്പോൾ പണം ലഭിക്കുമെന്ന് വാഗ്ദാനം നൽകി വഞ്ചിക്കുകയായിരുന്നുവെന്ന് പരാതിയിൽ പറയുന്നു.