'നോ ക്രൈം, നോ ഡ്രഗ്സ്' സത്യഗ്രഹം 5ന്

തിരുവനന്തപുരം: വർദ്ധിച്ചുവരുന്ന ലഹരി ഉപയോഗത്തിലും അക്രമ കൊലപാതക പരമ്പരകളിലുമുള്ള സർക്കാർ പരാജയം തുറന്നുകാട്ടാൻ യു.ഡി.എഫിന്റെ ആഭിമുഖ്യത്തിൽ 5ന് സെക്രട്ടേറിയറ്റിനുമുമ്പിൽ സത്യഗ്രഹം സംഘടിപ്പിക്കും . 'നോ ക്രൈം,നോ ഡ്രഗ്സ്' എന്ന മുദ്രാവാക്യമുയർത്തി സംഘടിപ്പിക്കുന്ന സത്യഗ്രഹം രാവിലെ 10ന് പ്രതിപക്ഷ നേതാവ് വി.ഡി.സതീശൻ ഉദ്ഘാടനം ചെയ്യും.

കെ.പി.സി.സി പ്രസിഡന്റ് കെ.സുധാകരൻ എം.പി,പ്രതിപക്ഷ ഉപനേതാവ് പി.കെ.കുഞ്ഞാലിക്കുട്ടി,രമേശ് ചെന്നിത്തല, യു.ഡി.എഫ് കൺവീനർ എം.എം.ഹസ്സൻ,നേതാക്കളായ പി.ജെ.ജോസഫ്,ഷിബു ബേബിജോൺ,സി.പി.ജോൺ,അനൂപ് ജേക്കബ്,മാണി സി കാപ്പൻ,അഡ്വ.രാജൻബാബു തുടങ്ങിയവർ പങ്കെടുക്കും.