വഖഫ് ബിൽ രാജ്യസഭയിൽ അവതരിപ്പിച്ചു; ബില്ലിന്മേൽ വിശദമായ ചർച്ചകൾ

ന്യൂഡൽഹി: ലോക്‌സഭയിൽ പാസാക്കിയ വഖഫ് ഭേദഗതി ബിൽ രാജ്യസഭയിൽ അവതരിപ്പിച്ചു. ഉച്ചയ്ക്ക് ഒരുമണിയോടെ കേ​ന്ദ്ര​ ​ന്യൂനപക്ഷകാ​ര്യ​മന്ത്രി കിരൺ റിജിജുവാണ് ബില്ല് രാജ്യസഭയിൽ അവതരിപ്പിച്ചത്. ബില്ലിൽ നീണ്ട ചർച്ച നടന്നുവെന്നും സംയുക്ത പാർലമെന്ററി കമ്മിറ്റി രൂപീകരിച്ച് എല്ലാവരെയും കേട്ടുവെന്നും അദ്ദേഹം ബില്ല് അവതരിപ്പിച്ചുകൊണ്ട് പറഞ്ഞു. രാജ്യസഭയിലും ബില്ലിന്മേൽ വിശദമായ ചർച്ചകൾ നടക്കും.

ഇന്നലെ 14 മണിക്കൂറിലേറെ നീണ്ട നടപടികൾക്ക് ശേഷമാണ് ബിൽ ലോക്‌സഭ കടന്നത്. 288 പേർ ബില്ലിനെ അനുകൂലിച്ച് വോട്ട് ചെയ്തപ്പോൾ 232 പേർ ബില്ലിനെ എതിർത്ത് വോട്ട് ചെയ്തു. പ്ര​തി​പ​ക്ഷ​ത്തി​ന്റെ​ ​ഭേ​ദ​ഗ​തി​ ​നി​ർ​ദ്ദേ​ശ​ങ്ങ​ൾ​ ​വോ​ട്ടി​നി​ട്ട് ​ത​ള്ളി.​ ​മു​ന​മ്പം​ ​പ്ര​ശ്ന​ത്തി​ന് ​ഇ​നി​ ​പ​രി​ഹാ​ര​മു​ണ്ടാ​കു​മെ​ന്ന് ​ച​ർ​ച്ച​യ്ക്ക് ​മ​റു​പ​ടി​ ​ന​ൽ​കി​യ​ ​​കി​ര​ൺ​ ​റി​ജി​ജു ഇന്നലെ​ ​പ​റ​ഞ്ഞു.​ വ്യാഴാഴ്ച പുലർച്ചെ രണ്ട് മണിയോടെയാണ് വോട്ടെടുപ്പ് പൂർത്തിയാക്കി ബില്ല് പാസാക്കിയത്. തുടർന്ന് ഉച്ചയ്ക്ക് ഒരു മണിക്ക് ബില്ല് രാജ്യസഭയിൽ അവതരിപ്പിച്ചു.