നിലമ്പൂർ ഉപതിരഞ്ഞെടുപ്പ് : ഷൗക്കത്തിനെ ഇറക്കാൻ കോൺഗ്രസ്

കോഴിക്കോട്: ആസന്നമായ നിലമ്പൂർ ഉപതിരഞ്ഞെടുപ്പിൽ ആര്യാടൻ ഷൗക്കത്തിനെ സ്ഥാനാർത്ഥിയാക്കി പടപ്പുറപ്പാടിന് കോൺഗ്രസ്. ഇന്നലെ കോഴിക്കോട്ട് എ.ഐ.സി.സി സംഘടനാ ചുമതലയുള്ള ജനറൽ സെക്രട്ടറി കെ.സി.വേണുഗോപാലിന്റെ നേതൃത്വത്തിൽ ചേർന്ന യോഗത്തിലാണ് ധാരണ.

കെ.പി.സി.സി പ്രസിഡന്റ് കെ.സുധാകരൻ, പ്രതിപക്ഷനേതാവ് വി.ഡി.സതീശൻ, മുതിർന്ന നേതാവ് രമേശ് ചെന്നിത്തല തുടങ്ങിയവർ കോഴിക്കോട് ഗസ്റ്റ്ഹൗസിൽ ചേർന്ന് യോഗത്തിൽ പങ്കെടുത്തു. മലപ്പുറം ഡി.സി.സി പ്രസിഡന്റ് വി.എസ്.ജോയിയുടെ പേര് ഉയർന്നെങ്കിലും ചർച്ചയിൽ ആര്യാടൻ ഷൗക്കത്തിനാണ് മുൻതൂക്കം.

പുറത്തിറങ്ങിയ നേതാക്കൾ നിലമ്പൂരിൽ കഴിവുള്ള നിരവധി സ്ഥാനാർഥികളുടെ പേരുണ്ടെന്നും ആരുമാകാമെന്നും പറഞ്ഞൊഴിഞ്ഞെങ്കിലും ഷൗക്കത്തിനാണ് സാദ്ധ്യത. നിലമ്പൂരിന്റെ മത സാമുദായിക വോട്ടുകൾ പരിഗണിച്ച് ഏറ്റവും അനുകൂല സ്ഥാനാർത്ഥിയെന്ന നിലയിലാണ് ഷൗക്കത്തിനെ പരിഗണിക്കുന്നതെന്നാണ് വിവരം.

അതേസമയം, 2016ൽ പി.വി. അൻവറിനെതിരെ ഷൗക്കത്ത് മത്സരിച്ചപ്പോഴുണ്ടായ വലിയ വോട്ട് വ്യത്യാസം ചർച്ചയായിട്ടുണ്ട്. മാത്രമല്ല, അൻവർ പിന്തുണ പ്രഖ്യാപിച്ചത് വി.എസ്.ജോയിക്കാണെന്നതും തലവേദനയുയർത്തുന്നു. ഇത് സംബന്ധിച്ച് ചോദിച്ചപ്പോൾ, മലപ്പുറത്ത് ആര് കോൺഗ്രസ് സ്ഥാനാർത്ഥിയായാലും അൻവറിന്റെ പിന്തുണയുണ്ടാകുമെന്നും അത് ഉറപ്പാക്കിയിട്ടുണ്ടെന്നുമായിരുന്നു പ്രതിപക്ഷ നേതാവ് വി.ഡി.സതീശന്റെ പ്രതികരണം.

കോഴിക്കോട്ടെ യോഗത്തിന് ശേഷം പുറത്തിറങ്ങിയ ചെന്നിത്തല നിലമ്പൂരിൽ വിജയിക്കുന്ന സ്ഥാനാർത്ഥിയാവും കോൺഗ്രസിന്റേതെന്ന് പറഞ്ഞു. തിരഞ്ഞെടുപ്പ് പ്രഖ്യാപിച്ചാൽ ഉടൻ സ്ഥാനാർത്ഥിയുടെ പേരും വരും. അതിൽ ആർക്കും ആശങ്കവേണ്ടെന്നും പറഞ്ഞു.

ഇടതു ക്യാമ്പും സജീവം

ഇടതുപക്ഷത്തും തിരഞ്ഞെടുപ്പിനെ നേരിടാൽ വലിയ ഒരുക്കങ്ങളാണ് നടക്കുന്നത്. സി.പി.എം സംസ്ഥാന സെക്രട്ടേറിയറ്റ് അംഗം എം.സ്വരാജിന്റെ നേതൃത്വത്തിലാണ് പ്രവർത്തനങ്ങൾ. നിലമ്പൂരിലെ ഇടത് പ്രവർത്തകർ രാപ്പകൽ അധ്വാനിച്ച് നേടിയതാണ് നിലമ്പൂരിൽ അൻവറിന്റെ വിജയമെന്നും പാർട്ടിയേയും മുന്നണിയേയും വഞ്ചിച്ച അൻവറിനുള്ള മറുപടികൂടിയാവും ഉപതിരഞ്ഞെടുപ്പ് ഫലമെന്നും മുതിർന്ന സി.പി.എം നേതാവ് പാലോളി മുഹമ്മദ് കുട്ടി പറഞ്ഞു.

നി​ല​മ്പൂ​ർ​ ​തി​രി​ച്ചു​പി​ടി​ക്കും​:​ ​വി.​ഡി.​സ​തീ​ശൻ

മ​ല​പ്പു​റം​:​ ​നി​ല​മ്പൂ​ർ​ ​ഉ​പ​തി​ര​ഞ്ഞെ​ടു​പ്പി​നെ​ ​നേ​രി​ടാ​ൻ​ ​യു.​ഡി.​എ​ഫ് ​സ​ജ്ജ​മാ​ണെ​ന്നും​ ​മു​ന്നൊ​രു​ക്ക​ങ്ങ​ൾ​ ​ന​ന്നാ​യി​ ​ന​ട​ക്കു​ന്നെ​ന്നും​ ​പ്ര​തി​പ​ക്ഷ​ ​നേ​താ​വ് ​വി.​ഡി.​സ​തീ​ശ​ൻ​ ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു.​ ​വ​ലി​യ​ ​ഭൂ​രി​പ​ക്ഷ​ത്തോ​ടെ​ ​നി​ല​മ്പൂ​ർ​ ​തി​രി​ച്ചു​ ​പി​ടി​ക്കും.​ ​പി.​വി.​അ​ൻ​വ​ർ​ ​യു.​ഡി.​എ​ഫി​ന് ​പി​ന്തു​ണ​ ​പ്ര​ഖ്യാ​പി​ച്ചി​ട്ടു​ണ്ട്.​ ​ഞ​ങ്ങ​ളു​ടെ​ ​സ​ഹ​യാ​ത്രി​ക​നാ​യി​ ​അ​ദ്ദ​ഹം​ ​കൂ​ടെ​യു​ണ്ട്.​ ​ഇ​ത് ​യു.​ഡി.​എ​ഫി​ന് ​പ്ര​യോ​ജ​നം​ ​ചെ​യ്യും. വി​ദ്വേ​ഷ​ ​പ്ര​സം​ഗം​ ​ആ​ര് ​ന​ട​ത്തി​യാ​ലും​ ​തെ​റ്റാ​ണ്.​ ​ബി.​ജെ.​പി​യു​ടെ​ ​സ​ഹ​യാ​ത്രി​ക​രാ​ണ് ​സി.​പി.​എം.​ ​ര​ണ്ട് ​പേ​ർ​ക്കും​ ​ഒ​രേ​ ​അ​ജ​ൻ​ഡ​യാ​ണ്.​ ​ബി.​ജെ.​പി​യു​ടെ​ ​വ​ഴി​യി​ലൂ​ടെ​യാ​ണ് ​സി.​പി.​എ​മ്മും​ ​സ​ഞ്ച​രി​ക്കു​ന്ന​ത്.​ ​ര​ണ്ട് ​സ​മു​ദാ​യ​ങ്ങ​ൾ​ ​ത​മ്മി​ൽ​ ​സം​ഘ​ർ​ഷ​മു​ണ്ടാ​ക്കു​ക​യെ​ന്ന​ ​ബി.​ജെ.​പി​ ​അ​ജ​ൻ​ഡ​ ​ന​ട​പ്പാ​ക്കാ​നാ​ണ് ​സ​ർ​ക്കാ​ർ​ ​മു​ന​മ്പം​ ​വി​ഷ​യം​ ​പ​രി​ഹ​രി​ക്കാ​തി​രു​ന്ന​ത്.