ശിവഗിരിയിൽ ഭക്തർക്ക് വിഷുകൈനീട്ടവും വിശേഷാൽപ്രസാദവും

ശിവഗിരി: വിഷുദിനത്തിൽ പുലർച്ചെ 4.30ന് പർണ്ണശാലയിൽ ഗുരുദേവവിരചിത ഹോമമന്ത്രം ഉരുവിട്ടുള്ള ആരാധനയിൽ പങ്കെടുക്കാൻ നിരവധിപേർ ഞായറാഴ്ച വൈകിട്ടോടെ എത്തിച്ചേർന്നു. മഹാസമാധി മന്ദിരത്തിൽ ഗുരുദേവ വിഗ്രഹത്തിന് മുന്നിൽ കണിക്കൊന്ന,കണിവെള്ളരി,നാരങ്ങ,മാമ്പഴം,ചക്ക,പഴം,നാളികേരം,വെറ്റില,അടക്ക,പുഷ്പ ഫലാദികൾ സമർപ്പിച്ചാണ് വിഷുക്കണി ഒരുക്കിയിരുന്നത്.സന്യാസിമാർ മഹാസമാധി സന്നിധിയിൽ നിന്നും ശാരദാമഠത്തിൽ നിന്നും ഭക്തർക്ക് വിഷുകൈനീട്ടം നൽകി.ശാരദാമഠത്തിലും വൈദികമഠത്തിലും ഗുരുദേവ റിക്ഷാമണ്ഡപത്തിലും ബോധാനന്ദ സ്വാമി സമാധി മണ്ഡപത്തിലും മഹാസമാധി സന്നിധിയിലും നടന്ന ചടങ്ങുകളിൽ പങ്കെടുത്തായിരുന്നു ഭക്തരുടെ മടക്കം.