മലപ്പുറം: സിലിക്കൺവാലിയുടെ മാതൃകയിൽ ടാൽറോപ് കേരളത്തിൽ വികസിപ്പിക്കുന്ന വില്ലേജ് പാർക്ക് കൽപകഞ്ചേരി ഗ്രാമപഞ്ചായത്തിൽ തിരൂർ എം.എൽ.എ കുറുക്കോളി മൊയ്തീൻ നിർവഹിച്ചു. പാർക്കിലൂടെ നൂതന ടെക്നോളജിയും നവീന വിദ്യാഭ്യാസവും പുതുസംരംഭങ്ങളും കൽപകഞ്ചേരിയിലെത്തുമെന്ന് എം.എൽ.എ പറഞ്ഞു. മിനി ഐ.ടി പാർക്കുകൾക്ക് സമാനമായ 1064 വില്ലേജ് പാർക്കുകളാണ് ടാൽറോപ് ഒരുക്കുന്നത്.
സൗജന്യ വിദ്യാഭ്യാസ പദ്ധതിയായ 'വൺ ക്രിയേറ്റർ ഫ്രം വൺ വാർഡ്', വനിതാശാക്തീകരണ പദ്ധതി 'പിങ്ക് കോഡേഴ്സ്' തുടങ്ങിയവയുടെ ഉദ്ഘാടനവും നടന്നു. കൽപകഞ്ചേരി പ്രൊജക്ടിന്റെ ഇൻഫ്രാസ്ട്രക്ചർ പാർട്ണർ അലി ഹാജിയെ ചടങ്ങിൽ ആദരിച്ചു.
ഗ്രാമപഞ്ചായത്ത് പ്രസിഡന്റ് കെ. പി വഹീദ, ടാൽറോപ് ജി.സി.സി ഓപ്പറേഷൻസ് ഡയറക്ടർ റീം ഖാൻ, ഇൻഫ്രാസ്ട്രക്ചർ വൈസ് പ്രസിഡന്റ് ഫൈസൽ ടി. പി, ബിസിനസ് ഡെവലപ്മെന്റ് മാനേജർ ഷഹാന ടി തുടങ്ങിയവർ പങ്കെടുത്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |