കുഞ്ഞിനെ പീഡിപ്പിച്ചത് അറിഞ്ഞില്ലെന്ന് അമ്മ

കോലഞ്ചേരി: മകളെ ഉറ്റബന്ധു പീഡിപ്പിച്ചിരുന്നത് അറിഞ്ഞിരുന്നില്ലെന്ന് ആലുവയിൽ കൊല്ലപ്പെട്ട കുഞ്ഞിന്റെ അമ്മയുടെ വെളിപ്പെടുത്തൽ. പുത്തൻകുരി​ശ് പൊലീസിനോടാണ് അമ്മ ഇക്കാര്യം വെളിപ്പെടുത്തിയത്. ഇന്നലെ ചെങ്ങമനാട് സ്റ്റേഷനി​ൽ വച്ചാണ് അന്വേഷണസംഘം യുവതിയെ കണ്ടത്.

അതേസമയം ഉറ്റബന്ധുവി​നെ ബന്ധുക്കൾ ഉപേക്ഷി​ച്ച മട്ടാണ്. പൊലീസി​ന്റെ കസ്റ്റഡി​ അപേക്ഷ ഇന്നലെ കോലഞ്ചേരി​ ഒന്നാംക്ളാസ് മജി​സ്ട്രേറ്റ് കോടതി​ പരി​ഗണി​ച്ചപ്പോൾ ഇയാൾക്കായി​ അഭിഭാഷകൻ ഉണ്ടായിരുന്നില്ല. തുടർന്ന് കോടതി അഭി​ഭാഷകയെ കെൽസവഴി​ നി​യോഗി​ച്ചു. കൊലക്കേസ് ചെങ്ങമനാട് പൊലീസും, പോക്സോക്കേസ് പുത്തൻകുരി​ശ് പൊലീസുമാണ് അന്വേഷി​ക്കുന്നത്.

അതിനിടെ കുട്ടി പഠിച്ച അങ്കണവാടി അദ്ധ്യാപി​കയോട് അന്വേഷണം തീരുംവരെ കുഞ്ഞി​നെക്കുറി​ച്ച് ആരോടും സംസാരി​ക്കരുതെന്ന് പൊലീസ് ഇന്നലെ നി​ർദ്ദേശി​ച്ചു.

പ്രതികളെ കാത്ത് 70 ചോദ്യം

കുഞ്ഞി​നെ പുഴയി​ലെറി​ഞ്ഞ് കൊന്ന അമ്മയ്‌ക്കും പീഡിപ്പിച്ച ഉറ്റബന്ധുവി​നുമായി പുത്തൻകുരിശ് പൊലീസ് 70 ചോദ്യങ്ങൾ തയ്യാറാക്കി. മാനസി​കരോഗ ചികിത്സാ വിദഗ്ദ്ധരുമായും ക്രിമിനോളജിസ്റ്റുകളുമായും ആലോചിച്ചാണ് ചോദ്യപ്പട്ടി​ക തയ്യാറാക്കിയത്. അമ്മ ചെങ്ങമനാട് പൊലീസി​ന്റെ കസ്റ്റഡി​യി​ലാണ്. ഉറ്റബന്ധു റി​മാൻഡി​ൽ മൂവാറ്റുപുഴ സബ് ജയി​ലി​ലും. ഇയാളെ ഇന്ന് പുത്തൻകുരി​ശ് പൊലീസ് കസ്റ്റഡി​യിൽ വാങ്ങും. ഇരുവരെയും ഒരുമി​ച്ചി​രുത്തി​ ചോദ്യംചെയ്യും. ചോദ്യംചെയ്യുന്ന സംഘത്തി​ൽ മനോരോഗ വിദഗ്‌ദ്ധരെയും ഉൾപ്പെടുത്തുന്ന കാര്യം ആലോചനയി​ലുണ്ട്.