SignIn
Kerala Kaumudi Online
Tuesday, 12 November 2019 4.41 AM IST

ഉന്നാവോ പെൺകുട്ടിയുടെ മൊഴിയെടുക്കാൻ എയിംസിലെ താൽക്കാലിക കോടതിയിൽ ജഡ്ജി എത്തി

unnao

ന്യൂഡൽഹി: ഉന്നാവോ പീഡനക്കേസിലെപരാതിക്കാരിയുടെ മൊഴി രേഖപ്പെടുത്തുന്നതിനായി പ്രത്യേക കോടതി ജഡ്ജി ഡൽഹിയിലെ എയിംസ് ആശുപത്രിയിൽ എത്തി. ആശുപത്രിയിൽ താൽക്കാലിക കോടതി രൂപീകരിച്ച് മൊഴി രേഖപ്പെടുത്താൻ ഡൽഹി ഹൈക്കോടതി നിർദേശിച്ചിരുന്നു. ബലാത്സംഗകേസിലെ പ്രതിയായ മുൻ ബി.ജെ.പി എം.എൽ.എ കുൽദീപ് സിംഗ് സെംഗാറിനെയും പ്രത്യേക വാദം കേൾക്കുന്നതിനായി ആശുപത്രിയിലേക്ക് കൊണ്ടുവന്നു.

ജൂലായ് 28ന് സഞ്ചരിച്ച വാഹനത്തിൽ ട്രക്കിടിച്ച് കൂടെയുണ്ടായിരുന്ന രണ്ട് ബന്ധുക്കൾ മരിക്കുകയും പെൺകുട്ടിക്കും അഭിഭാഷകനും ഗുരുതരമായി പരിക്കേൽക്കുകയും ചെയ്തിരുന്നു. അപകടത്തിന് പിന്നിൽ കുൽദീപ് സിംഗ് സെംഗാറും കൂട്ടാളികളുമാണെന്ന് ആരോപണമുയർന്നിരുന്നു.

ഗുരുതരമായി പരിക്കേറ്റ് ആശുപത്രിയിൽ ചികിത്സയിൽ കഴിയുന്ന പെൺകുട്ടിയുടെ ആരോഗ്യനിലയിൽ പുരോഗതി ഉണ്ടായതോടെ ആശുപത്രിയിൽ രൂപീകരിച്ച താൽക്കാലിക കോടതിയിലേക്ക് സ്‌ട്രെച്ചറിലോ ട്രോളിയിലോ കൊണ്ടുവന്ന് മൊഴി രേഖപ്പെടുത്തണമെന്നും പരിചയസമ്പന്നനായ ഒരു നഴ്‌സ് കൂടെയുണ്ടാകണമെന്നും കോടതി നിർദേശം നൽകിയിരുന്നു.

ഉത്തർപ്രദേശ് എം.എൽ.എയായിരുന്ന കുൽദീപ് സിംഗ് സെംഗാർ 2017 ൽ തന്നെ ബലാത്സംഗം ചെയ്തുവെന്ന് പെൺകുട്ടി ആരോപിച്ചിരുന്നു. അന്ന് തനിക്ക് പ്രായപൂർത്തിയായിരുന്നില്ലെന്നും പെൺകുട്ടി പറഞ്ഞിരുന്നു. ബി.ജെ.പി കുൽദീപ് സിംഗിനെ പുറത്താക്കിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, UNNAO CASE, AIIMS, RAPE CASE, KULDEEP SINGH SENGAR, HOSPITAL, ACCIDENT, DELHI
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.