മുഷ്ഫിഖുർ റഹിമിനും ഷാന്റോയ്ക്കും സെഞ്ച്വറി

ഗോൾ : പുതിയ ലോക ടെസ്റ്റ് ചാമ്പ്യൻഷിപ്പ് സൈക്കിളിന് തുടക്കം കുറിച്ച് ശ്രീലങ്കയും ബംഗ്ളാദേശും തമ്മിൽ ഗോളിൽ തുടങ്ങിയ ടെസ്റ്റിന്റെ ആദ്യദിനം പുറത്താകാതെ സെഞ്ച്വറി നേടി ബംഗ്ളാദേശി ബാറ്റർമാരായ മുഷ്ഫിഖുർ റഹിമും (105*) നായകൻ നജ്മുൽ ഹസൻ ഷാന്റോയും (136*). ടോസ് നേടി ബാറ്റിംഗിനിറങ്ങിയ ബംഗ്ളാദേശ് ആദ്യ ദിനം കളി നിറുത്തുമ്പോൾ 292/3 എന്ന നിലയിലാണ്. ഷദ്മാൻ ഇസ്ളാം (14), അനാമുൽ ഹഖ് (0), മോമിനുൽ ഹഖ് (29) എന്നിവർ പുറത്തായ ശേഷം ക്രീസിലൊരുമിച്ച ഷാന്റോയും റഹിമും ചേർന്ന് 147 റൺസാണ് കൂട്ടിച്ചേർത്തിരിക്കുന്നത്. ലങ്കൻ മുൻ നായകൻ ഏഞ്ചലോ മാത്യൂസിന്റെ വിരമിക്കൽ ടെസ്റ്റാണിത്.