പി.എസ്.സി അറിയിപ്പുകൾ

പ്രമാണപരിശോധന

തിരുവനന്തപുരം ജില്ലയിൽ മുനിസിപ്പൽ കോമൺ സർവീസിൽ ജൂനിയർ ഹെൽത്ത് ഇൻസ്‌പെക്ടർ ഗ്രേഡ് 2
(കാറ്റഗറി നമ്പർ 571/2014) തസ്തികയുടെ ചുരുക്കപട്ടിക വിപുലീകരിക്കുന്നതിനായുള്ള കൂട്ടിച്ചേർക്കൽ
വിജ്ഞാപനത്തിൽ ഉൾപ്പെട്ട ഉദ്യാഗാർത്ഥികളിൽ പ്രമാണപരിശോധന പൂർത്തിയാക്കാത്തവർക്ക് 20ന് രാവിലെ 10.30 മുതൽ പി.എസ്.സി ആസ്ഥാന ഓഫീസിൽ പ്രമാണപരിശോധന നടത്തും.
പൊതുവിദ്യാഭ്യാസ (ഡയറ്റ്) വകുപ്പിൽ ലക്ചറർ ഇൻ കൊമേഴ്സ് (നേരിട്ടും തസ്തികമാറ്റം മുഖേനയും) (കാറ്റഗറി നമ്പർ 384/2022, 385/2022) തസ്തികയിലേക്ക് 20ന് രാവിലെ 10.30ന് പി.എസ്.സി ആസ്ഥാന ഓഫീസിൽ പ്രമാണപരിശോധന നടത്തും.കൂടുതൽ വിവരങ്ങൾക്ക് ജി.ആർ- 1സി വിഭാഗവുമായി ബന്ധപ്പെടണം (0471 2546325).

ഒ.എം.ആർ പരീക്ഷ

കേരള അഗ്രോ മെഷീനറി കോർപ്പറേഷൻ ലിമിറ്റഡിൽ ഓവർസിയർ (സിവിൽ), കേരള സ്റ്റേറ്റ് കോ-ഓപ്പറേറ്റീവ് കയർ മാർക്കറ്റിംഗ് ഫെഡറേഷൻ ലിമിറ്റഡിൽ (കയർഫെഡ്) സൈറ്റ് എൻജിനീയർ ഗ്രേഡ് 2/സിവിൽ സബ് എൻജിനിയർ പാർട്ട് 1 (ജനറൽ കാറ്റഗറി), പൊതുമരാമത്ത്/ ജലസേചന വകുപ്പുകളിൽ ഫസ്റ്റ് ഗ്രേഡ് ഓവർസിയർ (സിവിൽ), തദ്ദേശസ്വയംഭരണ വകുപ്പിൽ ഫസ്റ്റ് ഗ്രേഡ് ഡ്രാഫ്റ്റ്സ്മാൻ/ഫസ്റ്റ് ഗ്രേഡ് ഓവർസിയർ (ഗ്രൂപ്പ് 3 എൽ.ഐ.ഡി.ഇ) (കാറ്റഗറി നമ്പർ 52/2024- പട്ടികജാതി, 240/2024, 516/2024, 584/2024) തസ്തികകളിലേക്ക് 27ന് രാവിലെ 7.15 മുതൽ 09.15 വരെ ഒ.എം.ആർ പരീക്ഷ നടത്തും.
ബിരുദതല പൊതുപ്രാഥമിക പരീക്ഷയുടെ ഭാഗമായി നടത്തുന്ന രണ്ടാംഘട്ട ഒ.എം.ആർ പരീക്ഷ (കാറ്റഗറി നമ്പർ 51/2024, 277/2024, 443-445/2024, 508-512/2024, 576/2024, 577/2024) 28ന് ഉച്ചയ്ക്കുശേഷം 1.30 മുതൽ 3.15 വരെ നടത്തും. ഉദ്യോഗാർത്ഥികൾ അഡ്മിഷൻ ടിക്കറ്റ് പ്രൊഫൈലിൽ നിന്നും ഡൗൺലോഡ് ചെയ്‌തെടുക്കണം.

വകുപ്പുതല വാചാപരീക്ഷ

ജനുവരി മാസത്തെ വകുപ്പുതല പരീക്ഷാ വിജ്ഞാപനപ്രകാരം നടത്തിയ സെക്കൻഡ് ക്ലാസ് ലാംഗ്വേജ് ടെസ്റ്റ് ഇൻ മലയാളം (തമിഴ്/കന്നട) പേപ്പറിന്റെ എഴുത്തുപരീക്ഷയിൽ വിജയിച്ചവർക്ക് 21ന് രാവിലെ 8ന് പി.എസ്.സി ആസ്ഥാന ഓഫീസിൽ പ്രമാണപരിശോധനയും വാചാപരീക്ഷയും നടത്തും.