തീവ്ര മഴ ഇന്നും, നാല് ജില്ലകളിൽ റെഡ് അലർട്ട്

തിരുവനന്തപുരം:വടക്കൻ ജില്ലകളിൽ ഇന്നുകൂടി അതിതീവ്ര മഴ ലഭിച്ചേക്കും.നാളെ മുതൽ തീവ്രതയിൽ ചെറിയ കുറവു വരും.മദ്ധ്യ തെക്കൻ ജില്ലകളിലെ മലയോര മേഖലയിലും ശക്തമായ മഴയും ലഭിക്കും. മഴയൊടൊപ്പം അതിശക്തമായ കാറ്റുണ്ടാകും.മണിക്കൂറിൽ 65 കിലോമീറ്റർ‌ വരെ വേഗതയിൽ ശക്തമായ കാറ്ര് വീശിയേക്കാം.

കേരളം, കർണാടക, ലക്ഷദ്വീപ് തീരങ്ങളിൽ 55 കിലോ മീറ്റർവരെ വേഗതയിൽ കാറ്റിനും മോശം കാലാവസ്ഥയ്‌ക്കും സാധ്യതയുള്ളതിനാൽ മത്സ്യബന്ധനം പാടില്ല.കേരള തീരത്ത്‌ കടലാക്രമണത്തിനും സാധ്യതയുള്ളതിനാൽ തീരദേശവാസികളും ജാഗ്രത പുലർത്തണം

റെഡ് അലർട്ട് ഇന്ന്

(അതിതീവ്രമഴ)​

കണ്ണൂർ, കാസർകോട്

ഓറഞ്ച് അലർട്ട്

(അതിശക്തമഴ)

എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്

യെല്ലോ അലർട്ട്

പത്തനംതിട്ട, ആലപ്പുഴ, കോട്ടയം