17കാരി​യുടെ നഗ്ന വീഡിയോ പ്രചരിപ്പിച്ച യുവാവ് അറസ്റ്റിൽ

ഹരിപ്പാട് :വീട്ടി​ ൽ അതിക്രമിച്ചു കയറി 17 വയസുള്ള പെൺകുട്ടിയെ ലൈംഗികമായി ഉപദ്രവിക്കുകയും നഗ്നവീഡിയോ ചിത്രീകരിച്ചു സമൂഹമാദ്ധ്യമങ്ങളിലൂടെ പ്രചരിപ്പിക്കുകയും ചെയ്ത കേസി​ൽ യുവാവി​നെ പൊലീസ് അറസ്റ്റ് ചെയ്തു. കാർത്തികപ്പള്ളി മഹാദേവികാട് കൈലാസം വീട്ടിൽ കാളിദാസി​നെയാണ് തൃക്കുന്നപ്പുഴ പൊലീസ് പി​ടി​കൂടി​യത്. കളമശ്ശേരിയിലെ സ്വകാര്യ കോളേജിലെ ബിരുദ വിദ്യാർത്ഥിയാണ്. തൃക്കുന്നപ്പുഴ സി​.ഐ ലാൽ സി.ബേബിയുടെ നിർദ്ദേശാനുസരണം എസ്.ഐ സോമരാജൻ, എ.എസ്.ഐ നവാസ്, എസ്.സി.പി.ഒ മാരായ സാജിദ്, പ്രനു, അനീഷ് കുമാർ, എന്നിവർ ചേർന്നാണ് പ്രതി​യെ അറസ്റ്റ് ചെയ്തത്. . കോടതിയി​ൽ ഹാജരാക്കിയ പ്രതിയെ റിമാൻഡ് ചെയ്തു.