പ്ലാ​റ്റിനം ജൂബിലി

വൈക്കം: നടേൽ ഇടവകയിലെ എസ്.ഡി. സന്യാസ സമൂഹം പ്രവർത്തനമാരംഭിച്ചിട്ട് 75 വർഷങ്ങൾ പൂർത്തിയായതിന്റെ പ്ലാ​റ്റിനം ജൂബിലി ആഘോഷം നടത്തി. വൈകിട്ട് പളളിയിൽ കൃതജ്ഞത ബലിയും, ഓഡി​റ്റോറിയത്തിൽ അനുമോദന സമ്മേളനവും നടത്തി. എറണാകുളം അങ്കമാലി അതിരൂപത മുൻ സഹായ മെത്രാൻ മാർ തോമസ് ചക്യത്ത് ജൂബിലി സമ്മേളനം ഉദ്ഘാടനം ചെയ്തു. ഫൊറോന പളളി വികാരി ഫാ. ബർക്കുമാൻസ് കൊടയ്ക്കൽ അദ്ധ്യക്ഷത വഹിച്ചു. നടേൽ പളളി വികാരി ഫാ. സെബാസ്​റ്റ്യൻ നാഴിയാമ്പാറ, സന്യാസി സമൂഹം പ്രൊവിൻഷ്യാൾ സിസ്​റ്റർ റെയ്സി തളിയൻ, സിസ്​റ്റർ ഹൃദ്യ എന്നിവർ പ്രസംഗിച്ചു.