തന്തൈ പെരിയാർ ജന്മദിനാഘോഷം

കോട്ടയം: സാമൂഹിക പരിഷ്‌കർത്താവും വൈക്കം സത്യഗ്രഹ സമരത്തിന്റെ മുന്നണി പോരാളിയുമായിരുന്ന പെരിയാർ ഇ.വി രാമസ്വാമി നായ്ക്കറുടെ (തന്തൈ പെരിയാർ) 147-ാം ജന്മദിനം വൈക്കത്ത് ആഘോഷിച്ചു. തമിഴ്‌നാട് സർക്കാർ വൈക്കം വലിയകവലയിലുള്ള തന്തൈ പെരിയാർ സ്മാരകത്തിൽ സംഘടിപ്പിച്ച ചടങ്ങിൽ സംസ്ഥാന സർക്കാരിനെ പ്രതിനിധീകരിച്ച് ജില്ലാ കളക്ടർ ചേതൻ കുമാർ മീണ പെരിയാർ പ്രതിമയിൽ ഹാരാർപ്പണവും പുഷ്പാർച്ചനയും നടത്തി. നഗരസഭാദ്ധ്യക്ഷ പ്രീതാ രാജേഷ്, വൈസ് ചെയർമാൻ പി.ടി സുഭാഷ്, നഗരസഭാംഗം ബി. രാജശേഖരൻ, എ.ഡി.എം എസ്.ശ്രീജിത്ത്, ആർ.ഡി.ഒ കെ.പി ദീപ, തമിഴ്‌നാട് സർക്കാർ പ്രതിനിധി എ. സെന്തിൽ അണ്ണ, വൈക്കം താഹസിൽദാർ വിബിൻ ഭാസ്‌കരൻ എന്നിവർ പങ്കെടുത്തു.