300 കോടിയുടെ നികുതിവെട്ടിപ്പെന്ന് സംശയം ആന്ധ്രയിലും തെലങ്കാനയിലും റെയ്ഡ്

ഹൈദരാബാദ്: തെലുങ്കാന, ആന്ധ്ര സംസ്ഥാനങ്ങളിലെ വിവിധ സ്ഥലങ്ങളിൽ ഇന്നലെ ആദായനികുതി വകുപ്പ് ഉദ്യോഗസ്ഥർ റെയ്ഡുകൾ നടത്തി. രണ്ട് സംസ്ഥാനങ്ങളിലുമായി 25 സ്ഥലങ്ങളിൽ ഉദ്യോഗസ്ഥർ പരിശോധന നടത്തി. പയ‌ർ, പരിപ്പ് മൊത്ത വ്യാപാരത്തിൽ 300 കോടി രൂപയുടെ നികുതിവെട്ടിപ്പ് നടന്നുവെന്ന സംശയത്തിലാണ് റെയ്ഡ്.

ഹൈദരാബാദ്, ഗുണ്ടൂർ, വിജയവാഡ, കുർണൂൽ, വിശാഖപട്ടണം എന്നിവിടങ്ങളിലെ

മൊത്തവ്യാപാര വ്യാപാരികളുടെയും വീടുകളിലും ബിസിനസ് സ്ഥാപനങ്ങളിലും റെയ്ഡുകൾ നടന്നു.

2024 ലെ പൊതുതെരഞ്ഞെടുപ്പിൽ വ്യാപാരികളും മൊത്തവ്യാപാര വ്യാപാരികളും വലിയ തോതിലുള്ള പണമിടപാടുകൾ നടത്തിയെന്നും അതിന്റെ മറവിൽ നികുതി വെട്ടിപ്പ് നടത്തിയതായും ആദായനികുതി വകുപ്പ് ഉദ്യോഗസ്ഥർക്ക് ലഭിച്ച വിവരത്തിന്റെ അടിസ്ഥാനത്തിലാണ് പരിശോധന.

മധാപൂരിലെ വി കെയർ സീഡ്സ് പ്രൈവറ്റ് ലിമിറ്റഡ് മാനേജിംഗ് ഡയറക്ടർ വെങ്കട റാവു ധൂലിപാലയുടെ വസതിയിലും ഓഫീസുകളിലും ഉദ്യോഗസ്ഥർ റെയ്ഡ് നടത്തി. ഗ്രീൻ ക്രോപ്സ് ഗ്ലോബൽ എക്സിം പ്രൈവറ്റ് ലിമിറ്റഡുമായും വേദ സ്‌പൈസ് ഫാം പ്രൈവറ്റ് ലിമിറ്റഡുമായും വെങ്കട്ട റാവുവിന് ബന്ധമുണ്ട്.