ഡോ. എം. കൃഷ്ണൻനായർ പുരസ്കാരം പ്രൊഫ. ജി.കെ. രഥിന്

തിരുവനന്തപുരം: പത്മശ്രീ ഡോ. എം. കൃഷ്ണൻനായർ പുരസ്കാരം ഡൽഹി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് നാഷണൽ ക്യാൻസർ ഇൻസ്റ്റിറ്റ്യൂട്ടിന്റെ മേധാവിയും റേഡിയേഷൻ ഓങ്കോളജി വിഭാഗത്തിന്റെ തലവനുമായ പ്രൊഫ. ജി.കെ. രഥിന്. തിരുവനന്തപുരം ഓങ്കോളജി ക്ലബിന്റെ സ്ഥാപക പ്രസിഡന്റും ക്യാൻസർ രോഗ വിദഗ്ധനുമായിരുന്ന ഡോ. എം. കൃഷ്ണൻനായരുടെ സ്മരണാർത്ഥം ക്ലബ് ഏർപ്പെടുത്തിയതാണ് പുരസ്കാരം. ക്യാൻസർ പ്രതിരോധത്തെക്കുറിച്ചും ചികിത്സാ പ്രോട്ടോക്കോളുകൾ നിർണയിക്കുന്നതിലും നേരത്തെയുള്ള കണ്ടെത്തലുകളെക്കുറിച്ചുമുള്ള അവബോധം ഉണ്ടാക്കുന്നതിനും രഥ് നേതൃത്വം നൽകിയിട്ടുണ്ട്. ജീവിതം ക്യാൻസർ രോഗ പരിചരണത്തിനായി സമർപ്പിച്ചിരിക്കുന്ന . രഥ് അക്കാദമിക്,പ്രൊഫഷണൽ സംഘടനകളിൽ സജീവമായ പങ്കാളിത്തം വഹിച്ചിട്ടുണ്ട്. മികച്ച ഡോക്ടർ എന്നതിന് പുറമെ മികച്ച സംഘാടകനും ഭരണകർത്താവുമായിരുന്നു അദ്ദേഹമെന്ന് പുരസ്കാരം പ്രഖ്യാപിച്ചുകൊണ്ട് അവാർഡ് നിർണയ സമിതി ചെയർമാൻ പ്രൊഫ. ടി.കെ. പദ്മനാഭൻ അറിയിച്ചു. ഡോ. ചന്ദ്രമോഹൻ,ഡോ. ബോബൻ തോമസ് എന്നിവരടങ്ങിയ സമിതിയാണ് പുരസ്കാരം നിർണയിച്ചത്. 26-ന് തിരുവനന്തപുരത്ത് നടക്കുന്ന ചടങ്ങിൽ പുരസ്കാരം വിതരണം ചെയ്യുമെന്ന് ഓങ്കോളജി ക്ലബ് സെക്രട്ടറി ബോബൻ തോമസ് അറിയിച്ചു.