ഏലയ്ക്ക കയറ്റുമതി രംഗത്തെ പ്രമുഖൻ ടി.ടി ജോസ് 

കട്ടപ്പന :വണ്ടൻമേട് മാസ് ഗ്രൂപ്പ് ഓഫ് കമ്പനീസ് ചെയർമാൻ വണ്ടൻമേട് തച്ചേടത്ത് ടി.ടിജോസ് (70) നിര്യാതനായി.
ഏലക്കാ ഉത്പ്പാദനവിപണന രംഗത്തെ പ്രമുഖനും സാമൂഹിക സേവന രംഗത്ത് വ്യക്തിമുദ്ര പതിപ്പിച്ച വ്യക്തിയുമാണ്. ഇന്ത്യയിൽ നിന്ന് ഏറ്റവും കൂടുതൽ ഏലക്കാ കയറ്റുമതി ചെയ്തതിന് കേന്ദ്ര വാണിജ്യ മന്ത്രാലയം നിരവധി തവണ അവാർഡ് നൽകി ആദരിച്ചിട്ടുണ്ട്. കയറ്റുമതി, ഏലക്കാ ലേല കേന്ദ്രം, പ്ലാന്റേഷൻ, പാലാട്ട് ബ്രാൻഡ് ഉൾപ്പന്നങ്ങൾ, റിസോർട്ടുകൾ തുടങ്ങി നിരവധി സ്ഥാപനങ്ങൾ മാസ് ഗ്രൂപ്പിനു കീഴിൽ പ്രവർത്തിച്ചുവരുന്നു. ശ്വാസകോശ സംബന്ധമായ അസുഖത്തെ തുടർന്ന് രണ്ടുദിവസമായി എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിലായിരുന്നു. വ്യാഴാഴ്ച വൈകുന്നേരത്തോടെയായിരുന്നു അന്ത്യം.മൃതദേഹം ഇന്ന് മൂന്നിന് വീട്ടിലെത്തിക്കും.ഭാര്യ: ആൻസി ജോസ്, പുതുപറമ്പിൽ കുടുംബാംഗമാണ്. മക്കൾ: അൻജോ ജോസ്(എംഡി, മാസ് എന്റർപ്രൈസസ്, ആയുർ കൗണ്ട് റിസോർട്ട്സ്), അഞ്ചു ടോംസൺ(ഡയറക്ടർ, പാലാട്ട് ഗ്രൂപ്പ്). മരുമക്കൾ: ട്രീസ എലിസബത്ത് തോമസ്(ചാർട്ടേർഡ് അക്കൗണ്ടന്റ്, അയ്യർ ആൻഡ് ചെറിയാൻ അസോസിയേറ്റ്സ്), ടോംസൺ സിറിൾ(എംഡി, സ്‌പെഷ്യാലിറ്റി ഇന്ത്യൻ ഫുഡ് പാർക്സ് ആൻഡ് എക്സ്‌പോർട്സ്, പാലാട്ട് ഗ്രൂപ്പ്).