മുഴക്കുന്ന് പി.എച്ച്.സിയിൽ ലാബ് ഒരുങ്ങി

മുഴക്കുന്ന്: മുഴക്കുന്ന് പി.എച്ച്.സിയിലെ ലാബിന്റെ ഉദ്ഘാടനവും പുതിയ കെട്ടിടത്തിന്റെ ശിലാസ്ഥാപനവും ജില്ലാപഞ്ചായത്ത് വൈസ് പ്രസിഡന്റ് അഡ്വ ബിനോയ് കുര്യൻ നിർവഹിച്ചു. മുഴക്കുന്ന് ഗ്രാമപഞ്ചായത്ത് പ്രസിഡന്റ് ടി.ബിന്ദു അദ്ധ്യക്ഷത വഹിച്ചു. ജില്ലാ മെഡിക്കൽ ഓഫീസർ ഡോ.പീയുഷ് എം.നമ്പൂതിരിപ്പാട് മുഖ്യാതിഥിയായി.ഗ്രാമപഞ്ചായത്തിന്റെ തനതു ഫണ്ടിൽ നിന്ന് 19 ലക്ഷം രൂപ ചെലവഴിച്ചാണ് ലാബ് നിർമിച്ചത്. ഹെൽത്ത് ഗ്രാന്റ് ഫണ്ടിൽ നിന്ന് അനുവദിച്ച 55 ലക്ഷം രൂപ ഉപയോഗിച്ചാണ് ജനകീയ ആരോഗ്യ കേന്ദ്രത്തിൽ പുതിയ മെയിൻ ബ്ലോക്ക് നിർമ്മിക്കുന്നത്.മുഴക്കുന്ന് പഞ്ചായത്ത് വൈസ് പ്രസിഡന്റ് വി.വി. വിനോദ്, സ്ഥിരംസമിതി അദ്ധ്യക്ഷരായ കെ.വി.ബിന്ദു, എ.വനജ, സി.കെ.ചന്ദ്രൻ, പഞ്ചായത്തംഗങ്ങളായ കെ.മോഹനൻ, സിബി ജോസഫ്, കെ.വി.റഷീദ്, ധന്യ രാകേഷ്, ഷഫീന മുഹമ്മദ്, എൻ.എച്ച്.എം ജില്ലാ പ്രോഗ്രാം മാനേജർ പി.അനിൽ കുമാർ, അസിസ്റ്റന്റ് എഞ്ചിനീയർ അമലു വി.ഗോപാൽ എന്നിവർ പങ്കെടുത്തു.