ഫിസിയോതെറാപ്പി  യൂണിറ്റ് ആരംഭിച്ചു

കോട്ടയം : ജില്ലാ ഹോമിയോ ആശുപത്രിയിൽ ഫിസിയോതെറാപ്പി യൂണിറ്റിന്റെ ഉദ്ഘാടനവും ആശുപത്രി കെട്ടിടത്തിന്റെ ഒന്നാം നിലയുടെ നിർമ്മാണോദ്ഘാടനവും മന്ത്രി വീണാ ജോർജ് ഓൺലൈനായി നിർവഹിച്ചു. തിരുവഞ്ചൂർ രാധാകൃഷ്ണൻ എം.എൽ.എ അദ്ധ്യക്ഷത വഹിച്ചു. ഫ്രാൻസിസ് ജോർജ് എം.പി മുഖ്യാതിഥിയായി. ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ, ദേശീയ ആയുഷ് മിഷൻ ജില്ലാ പ്രോഗ്രാം മാനേജർ ഡോ. ശരണ്യ ഉണ്ണികൃഷ്ണൻ, ജില്ലാ ഹോമിയോ മെഡിക്കൽ ഓഫീസർ ഡോ. കെ.എസ്. മിനി, ആശുപത്രി സൂപ്രണ്ട് ഇൻ ചാർജ്ജ് ഡോ. എം.പി ഉമാദേവി, ജോയ് ചെട്ടിശ്ശേരി, കുസുമാലയം ബാലകൃഷ്ണൻ, സിറിൽ .ജി. നരിക്കുഴി, ജോസി കുര്യൻ എന്നിവർ സംസാരിച്ചു.