വികസനരേഖ പ്രകാശനം

കോട്ടയം: വാഴൂർ ബ്ലോക്ക് പഞ്ചായത്ത് നടപ്പാക്കിയ വികസനപ്രവർത്തനങ്ങളുടെ വികസന രേഖ മന്ത്രി റോഷി അഗസ്റ്റിൻ പ്രകാശനം ചെയ്തു. പൊൻകുന്നം രാജേന്ദ്രമൈതാനത്ത് നടന്ന പരിപാടിയിൽ ബ്ലോക്ക് പഞ്ചായത്ത് പ്രസിഡന്റ് മുകേഷ് കെ.മണി അദ്ധ്യക്ഷത വഹിച്ചു. 25 വർഷം ജനപ്രതിനിധിയായി സേവനമനുഷ്ഠിച്ച ബ്ലോക്ക് പഞ്ചായത്തംഗം ഷാജി പാമ്പൂരി, ഗിരീഷ് എസ്.നായർ എന്നിവരെ മന്ത്രി ആദരിച്ചു. ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ, ബ്ലോക്ക് പഞ്ചായത്ത് വൈസ് പ്രസിഡന്റ് ഗീത എസ്. പിള്ള, ചിറക്കടവ് ഗ്രാമപഞ്ചായത്ത് പ്രസിഡന്റ് സി.ആർ. ശ്രീകുമാർ, ജില്ലാ പഞ്ചായത്ത് അംഗം ടി.എൻ. ഗിരീഷ് കുമാർ, വാഴൂർ ബ്ലോക്ക് പഞ്ചായത്ത് അംഗങ്ങളായ ലതാ ഷാജൻ, പി.എംജോൺ, ബി. രവീന്ദ്രൻ നായർ, വർഗീസ് ജോസഫ് എന്നിവർ പങ്കെടുത്തു.