പോളയത്തോട്ടിലെ എ​യ്റോ​ബി​ക്​ കമ്പോസ്റ്റ് യൂണിറ്റ്... വെയ്റ്റിംഗി​ലാണ്, വൈദ്യുതി​ക്കായി​ !

കൊ​ല്ലം: പോളയത്തോട്ടി​ലെ മാലിന്യപ്രശ്നം പരിഹരിക്കാൻ, ഏറെ പ്രതീക്ഷയോടെ ഉദ്ഘാടനം ചെയ്ത മെ​ക്ക​നൈ​സ്​​ഡ്​ എ​യ്റോ​ബി​ക്​ കമ്പോസ്റ്റ് യൂണിറ്റ് രണ്ടാഴ്ച കഴിഞ്ഞിട്ടും പ്രവർത്തിച്ചു തുടങ്ങിയില്ല. ത്രീ ഫേസ് വൈദ്യുതി കണക്ഷൻ ലഭിക്കാനുള്ള കാലതാമസമാണ് പ്രതിസന്ധി സൃഷ്ടിച്ചത്. കണക്ഷൻ ലഭിക്കാനുള്ള നടപടികൾ പൂർത്തിയായിട്ടുണ്ടെന്നും മൂന്ന് ദിവസത്തിനുള്ളിൽ യൂണിറ്റ് പ്രവർത്തന സജ്ജമാകുമെന്നും ടെക് ഫാം ഇന്ത്യ അധികൃതർ വ്യക്തമാക്കുന്നു.

രണ്ടു ദിവസത്തിനുള്ളിൽ വൈദ്യുതി കണക്ഷൻ ലഭിക്കുമെന്നായിരുന്നു ഉദ്ഘാടന ദിവസം അധികൃതരുടെ വിശദീകരണം. എന്നാൽ സാങ്കേതിക വിഷയങ്ങളിൽ തട്ടി പ്രവർത്തനം നീളുകയായിരുന്നു. കൊല്ലം ആസ്ഥാനമായി പ്രവർത്തിക്കുന്ന ഏജൻസിയാണ് ടെക് ഫാം ഇന്ത്യ. പോളയത്തോട് ശ്മശാനത്തിന് സമീപം ​കോ​ർ​പ്പറേ​ഷ​ന്റെ മേ​ൽ​നോ​ട്ട​ത്തി​ലാണ് ആധുനിക സംവിധാനങ്ങളോടെ ജൈവമാലിന്യ സംസ്കരണ യൂണിറ്റിന്റെ നിർമ്മാണം പൂർത്തി​യാക്കി​യത് .

ജൈവ​മാ​ലി​ന്യ സം​സ്​​ക​ര​ണം കൂ​ടു​ത​ൽ വേ​ഗ​ത്തിലും ശാ​സ്ത്രീ​യ​മാ​യും നി​ർ​വ​ഹിക്കാൻ ശീ​തീ​ക​രി​ച്ച പോ​ർ​ട്ട​ബി​ൾ ക​ണ്ടെ​യ്​​ന​ർ കാ​ബി​നു​ക​ളും അ​തി​നു​ള്ളി​ൽ ജൈ​വ​മാ​ലി​ന്യ സം​സ്ക​രണ യ​ന്ത്ര​വുമാണ്​ സ്ഥാപിച്ചിട്ടുള്ളത്. സു​ര​ക്ഷ ക്യാ​മ​റ, അലാറം എ​ന്നി​വയുമുണ്ട്.

നേട്ടങ്ങളേറെ

 മാ​ലി​ന്യം സം​സ്ക​രി​ക്കു​മ്പോ​ൾ ദു​ർ​ഗ​ന്ധ​മോ മ​ലി​ന​ജ​ല​മോ പു​റ​ത്തേ​ക്ക്​ വ​രി​ല്ല

 പ്രവർത്തന സമയം രാവിലെ 7 മുതൽ 11 വരെയും വൈകിട്ട് 5 മുതൽ 10 വരെയും

 തരംതിരിച്ച ജൈവ മാലിന്യങ്ങൾ ഈ സമയം വ്യക്തികൾക്ക് നേരിട്ട് എത്തിക്കാം

 നേരിട്ട് എത്തിക്കാൻ കഴിയാത്തവർക്ക് വാതിൽപ്പടി ശേഖരണം ലഭ്യമാണ്

 കിലോഗ്രാമിന് നിശ്ചിത തുക ഈടാക്കും

 പ്രതിദിനം 3 ടൺ ജൈവമാലിന്യം സംസ്കരിച്ച് വളമാക്കാം

 നിലവിൽ ആറു ജീവനക്കാർ