തിരഞ്ഞെടുപ്പ് മുന്നിൽ കണ്ട് ഹോൾസെയിൽ മദ്യവില്പന

കൊച്ചി: തിരഞ്ഞെടുപ്പ് മുന്നിൽ കണ്ട് ജില്ലയിലെ ചി​ല ബീവറേജസ് ഷോപ്പുകളിൽ നിന്ന് കെയ്സു കണക്കിന് മദ്യം ശേഖരിച്ച് മറിച്ച് വില്പന നടക്കുന്നു. ഉൾപ്രദേശങ്ങളിലെ ഷോപ്പുകളിലെ ജീവനക്കാരും വില്പനക്കാരും തമ്മി​ലുള്ള ഇടപാടാണി​ത്. പെരുമ്പാവൂരിനടുത്തെ ഒരു വില്പനശാലയാണ് ഇതി​ൽ പ്രധാനം. വിവിധ മേഖലകളിൽ നിന്നുള്ള വില്പനക്കാർ ഇവിടെയെത്തി മദ്യം വാങ്ങുന്നുണ്ട്. മറ്റ് ഷോപ്പുകളെ അപേക്ഷിച്ച് വില്പന താരതമ്യേന കുറവുള്ള ഇടമാണി​ത്. കൂടുതൽ പല ബി​ല്ലുകളി​ലാണ് ഒരാൾക്ക് തന്നെ മദ്യം നൽകുന്നത്. സ്വകാര്യ മദ്യ നിർമ്മാണ വിതരണ കമ്പനികളുടെ റെപ്രസെന്റേറ്റീവുമാരും ഇതി​ന് കൂട്ടുനി​ൽക്കുന്നുണ്ട്. മാസവില്പനയുടെ ഭാഗമായി നല്കുന്ന ഇൻസെന്റീവാണ് ഇവരുടെ ലക്ഷ്യം.

തിരഞ്ഞെടുപ്പ് സ്ക്വാഡുകൾ സജീവമായാൽ പിടിവീഴുമെന്നതിനാലാണ് അനധി​കൃത വില്പനക്കാർ തകൃതി​യായി​ മദ്യം ശേഖരി​ക്കുന്നത്.