പഠനയാത്ര  ആരോഹൺ

ചങ്ങനാശേരി : ഉന്നത വിദ്യാഭ്യാസ മേഖലയിലെ പുതിയ സാധ്യതകൾ അടുത്തറിയുന്നതിനായി അസംപ്ഷൻ ഓട്ടോണമസ് കോളേജിലെ 30 വിദ്യാർത്ഥികളും ആറ് അദ്ധ്യാപകരും അടങ്ങുന്ന സംഘം ഐ.ഐ.ടി മുംബയിൽ നടന്ന ആരോഹൺ 2025 ഇന്റർഡിസിപ്ലിനറി ഇമ്മേഴ്ഷൻ പ്രോഗ്രാമിൽ പങ്കെടുത്തു. 26 മുതൽ 29 വരെയായിരുന്നു പഠനയാത്ര. വ്യത്യസ്ത വിഷയങ്ങളിലെ അറിവുകൾ സമന്വയിപ്പിച്ച് ഗവേഷണത്തിലും നൂതനാശയങ്ങളിലും വിദ്യാർത്ഥികളുടെ താത്പര്യം വർദ്ധിപ്പിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. കോളേജ് പ്രിൻസിപ്പൽ ഡോ.റാണി മരിയ തോമസിന്റെ നേതൃത്വത്തിലായിരുന്നു പഠനയാത്ര.