അദ്ധ്യാപകരെ സർക്കാർ കബളിപ്പിക്കുന്നു; കെ.പി.എസ്.ടി.എ

​ചവറ: അദ്ധ്യാപക നിയമനത്തിന് കെ-ടെറ്റ് നിർബന്ധമാക്കുന്ന കാര്യത്തിൽ സർക്കാർ ഇരട്ടാപ്പ് കാട്ടുന്നുവെന്ന് കെ.പി.എസ്.ടി.എ ചവറ ഉപജില്ലാ സമ്മേളനം ആരോപി​ച്ചു. കോടതി വിധിയുണ്ടായിട്ടും അപ്പീൽ നൽകാൻ സർക്കാർ മനപൂർവ്വം താമസം വരുത്തുകയാണ്. ഉത്തരവുകൾ ഇറക്കിയും പിൻവലിച്ചും അദ്ധ്യാപകരെ കബളിപ്പിക്കുകയാണെന്നും സമ്മേളനം കുറ്റപ്പെടുത്തി. ​

ജില്ലാ പ്രസിഡന്റ് പരവൂർ സജീബ് ഉദ്ഘാടനം ചെയ്തു. കെ-ടെറ്റ് നിർബന്ധമാക്കിക്കൊണ്ട് ഉത്തരവിറക്കുകയും പിന്നീട് പ്രതിഷേധം വരുമ്പോൾ മാറ്റം വരുത്തുകയും ചെയ്യുന്നത് അദ്ധ്യാപകരെ മാനസികമായി തളർത്തുന്ന നടപടിയാണെന്ന് അദ്ദേഹം പറഞ്ഞു. രണ്ട് വർഷത്തെ സാവകാശം ഉണ്ടെന്ന് പറയുമ്പോഴും ആനുകൂല്യങ്ങൾ നിഷേധിക്കുന്ന സർക്കാർ നിലപാട് അദ്ധ്യാപകരോടുള്ള വഞ്ചനയാണെന്നും അദ്ദേഹം ആരോപി​ച്ചു. ഉപജില്ലാ പ്രസിഡന്റ് ഉണ്ണി ഇലവിനാൽ അദ്ധ്യക്ഷത വഹിച്ചു. സംസ്ഥാന നിർവ്വാഹക സമിതിയംഗം പ്രിൻസി റീന തോമസ് മുഖ്യപ്രഭാഷണം നടത്തി. ജനപ്രതിനിധിയായി തിരഞ്ഞെടുക്കപ്പെട്ട എബി പാപ്പച്ചനെയും സ്വദേശ് മെഗാക്വിസ് മത്സരത്തിൽ സമ്മാനർഹയായ ആൻസി ഹെൻസനെയും ആദരിച്ചു. ​കല്ലട ഗിരീഷ്, എസ്. വരുൺ ലാൽ, ബി. ജയചന്ദ്രൻ പിള്ള, ഷബിൻ കബീർ, ബി. സേതുലക്ഷ്മി, പി​. വത്സ, ബിജു ഡാനിയൽ, കോളിൻസ് ചാക്കോ, ആനി കെ.ജോർജ്ജ്, റോജ മാർക്കോസ്, രാജ് ലാൽ തോട്ടുവാൽ എന്നിവർ സംസാരി​ച്ചു. ഭാരവാഹികൾ: ബിജു ഡാനിയൽ (പ്രസി​ഡന്റ്), ജാസ്മിൻ മുളമൂട്ടിൽ (സെക്രട്ടറി​), എം.ബി. ഷാക്കിർ (ട്രഷറർ).