തൊഴിലുറപ്പ് പദ്ധതി ജില്ലയിലെ കൂലി​ കുടി​ശ്ശി​ക 70 കോടി!

നി​ർമ്മാണ സാമഗ്രി​കൾക്ക് നൽകാനുള്ളത് 20 കോടി

കൊല്ലം: തൊഴിലുറപ്പ് പദ്ധതിയിൽ ജില്ലയിലെ കൂലി കുടി​ശ്ശി​ക 70 കോടി പിന്നിട്ടു. കഴി​ഞ്ഞ ഒക്ടോബർ 20ന് ശേഷം തൊഴിലാളികൾക്ക് കൂലി ലഭിച്ചിട്ടില്ല. നിർമ്മാണ സാമഗ്രികൾ വാങ്ങിയതിന് 20 കോടി നൽകാനുണ്ട്.

ജില്ലയ്ക്ക് 52.85 ലക്ഷം തൊഴിൽ ദിനങ്ങൾ മാത്രമാണ് ഈ സാമ്പത്തി​ക വർഷം ആദ്യം അനുവദിച്ചത്. ഒക്ടോബർ 20 ഓടെ ഇത്രയും തൊഴിൽ ദിനം പൂർത്തിയാക്കി. തൊഴിൽ ദിനങ്ങൾ ഉയർത്തി നൽകുമെന്ന പ്രതീക്ഷയിൽ പദ്ധതി അംഗങ്ങൾക്ക് വീണ്ടും ജോലി നൽകി. ഒരാഴ്ച മുൻപ് ജില്ലയുടെ തൊഴിൽ ദിനങ്ങൾ 98 ലക്ഷമാക്കി​യെങ്കിലും കൂലി അനുവദിച്ചില്ല. സംസ്ഥാന മിഷനിൽ നിന്ന് ബിൽ നൽകിയെങ്കിലും കേന്ദ്ര ഗ്രാമ വികസന മന്ത്രാലയം ഇതുവരെ പണം അനുവദിച്ചിട്ടില്ല.

മൂന്ന് മാസമായി വരുമാനമില്ലാത്തതി​നാൽ തൊഴിലാളികളിൽ വലിയൊരു വിഭാഗവും കടുത്ത സാമ്പത്തിക പ്രതിസന്ധിയിലാണ്. ജില്ലയിൽ ഇതുവരെ 69.48 ലക്ഷം തൊഴിൽ ദിനങ്ങൾ നൽകാനായി​. 14,503 പേർക്ക് നൂറ് തൊഴിൽ ദിനങ്ങൾ ലഭിച്ചു.

 തൊഴിൽ ദിനം ഉയരില്ല

മുൻ വർഷങ്ങളിൽ അനുവദിക്കുന്നതിനെക്കാൾ തൊഴിൽ ദിനങ്ങൾ അടുത്ത വർഷം ജില്ലയിൽ നൽകുമായിരുന്നു. തൊട്ടടുത്ത സാമ്പത്തിക വർഷം അനുവദിക്കുന്ന പണത്തിൽ നിന്ന് ഈ കൂലി വിതരണം ചെയ്യും. തൊഴിലുറപ്പ് പദ്ധതിയുടെ രൂപം അടുത്ത സാമ്പത്തികവർഷം മുതൽ മാറുന്നതിൽ അനുവദിച്ച 98 ലക്ഷം തൊഴിൽ ദിനങ്ങളിൽ അധികം ഇത്തവണ നൽകില്ല.

നിലവിലെ ദിവസ വേതനം ₹ 369

വർഷം, അനുവദിച്ച തൊഴിൽ ദിനങ്ങൾ, നൽകിയത്

2021-22- 95.5 ലക്ഷം, 95.5 ലക്ഷം

2022-23- 93.9 ലക്ഷം,93.9 ലക്ഷം

2023-24- 105.1 ലക്ഷം, 105.1 ലക്ഷം

2024-25- 60.09 ലക്ഷം, 98 ലക്ഷം

2025- 26, 98 ലക്ഷം, 69.48 ലക്ഷം