പ്രതിഷേധ സായാഹ്നം സംഘടിപ്പിച്ചു

ബാലുശ്ശേരി: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ നിന്ന് ഗാന്ധിജിയുടെ പേര് നീക്കം ചെയ്യുകയും പദ്ധതി തകർക്കുക എന്ന ലക്ഷ്യത്തോടെ നിയമ ഭേദഗതി വരുത്തുകയും ചെയ്ത കേന്ദ്ര സർക്കാർ നിലപാടിനെതിരെ നാഷണലിസ്റ്റ് മഹിളാ കോൺഗ്രസ് - എസ് പ്രവർത്തകർ പ്രതിഷേധിച്ചു. പ്രതിഷേധ സായാഹ്നം എൻ.എം.സി. ജില്ലാ പ്രസിഡൻ്റും കോഴിക്കോട് കോർപ്പറേഷൻ കൗൺസിലറുമായ എസ്.എം. തുഷാര ഉദ്ഘാടനം ചെയ്തു. ശൈലജ കുന്നോത്ത് അദ്ധ്യക്ഷത വഹിച്ചു. ഭാരവാഹികളായി ഷീബ രമേശ് (പ്രസിഡൻ്റ്), ബിന്ദു സി.കെ (വൈസ് പ്രസിഡൻ്റ്), നിഷ കുറുപ്പ് (സെക്രട്ടറി), ഹസീന അയൂബ് (ജോ. സെകട്ടറി), വിലാസിനി എൻ.സി (ഖജാൻജി) തെരഞ്ഞെടുത്തു.