എൻ.ഐ.ടിയിൽ ഭാരതീയ കലകളുടെ സംഗമം

കുന്ദമംഗലം: എൻ.ഐ.ടി കാലിക്കറ്റിൽ മൂന്ന് ദിവസം നീണ്ടുനിൽക്കുന്ന ഭാരതീയ കലകളുടെ സംഗമത്തിന് (സ്പിക് മാകെ)​ തുടക്കമായി. ജില്ലാ കളക്ടർ സ്നേഹിൽ കുമാർ സിംഗ് ഉദ്ഘാടനം ചെയ്തു. സിറ്റി പൊലീസ് കമ്മിഷണർ ജയദേവ് ജി ഐ.പി.എസ് മുഖ്യാതിഥിയായി. എൻ.ഐ.ടി കാലിക്കറ്റ് ഡയറക്ടർ പ്രൊഫ. പ്രസാദ് കൃഷ്ണ അദ്ധ്യക്ഷത വഹിച്ചു. സ്പിക് മാകെ സ്ഥാപകൻ പദ്മശ്രീ പ്രൊഫ. കിരൺ സേത്ത് മുഖ്യപ്രഭാഷണം നടത്തി. എൻ.ഐ.ടി സ്റ്റുഡന്റ് വെൽഫെയർ ഡീൻ പ്രൊഫ.സത്യനന്ദ പാണ്ഡ സ്വാഗതവും ഡോ.ഉമാമഹേശ്വര ശർമ ബി നന്ദിയും പറഞ്ഞു. പ്രശസ്ത വയലിൻ വിദ്വാൻ വിദുഷി കന്യാകുമാരിയുടെ സംഗീതക്കച്ചേരി,​ ഗുരു മാർഗി മധു അവതരിപ്പിച്ച കൂടിയാട്ടം,​ കലാമണ്ഡലം മോഹനകൃഷ്ണന്റെ നാടൻ കലാരൂപങ്ങൾ, കെ. പ്രതാപ് പോളും സംഘവും അവതരിപ്പിച്ച ഘരാന കൊയർ, ഉസ്താദ് യാസിർ കുരിക്കളിന്റെ നേതൃത്വത്തിലുള്ള കോൽക്കളി എന്നിവ നടന്നു.