കാപ്പ ചുമത്തി ജയിലിൽ അടച്ചു

മൂവാറ്റുപുഴ: വധശ്രമ കേസ് പ്രതിയെ കാപ്പ ചുമത്തി ജയിലിലടച്ചു. വെള്ളൂർകുന്നം കാവുംകര മോളേക്കുടി ഭാഗത്ത് നെടുംപുറത്ത് വീട്ടിൽ അബി (35)നെയാണ് കാപ്പ ചുമത്തി വിയ്യൂർ സെൻട്രൽ ജയിലിലടച്ചത്. മൂവാറ്റുപുഴ കച്ചേരിത്താഴം ഭാഗത്ത് വച്ച് യുവാവിനെ കുത്തിക്കൊലപ്പെടുത്താൻ ശ്രമിച്ച കേസിലാണ് നടപടി. മൂവാറ്റുപുഴ പൊലീസ് ഇൻസ്പെക്ടർ ബേസിൽ തോമസ്, സബ് ഇൻസ്പെക്ടർമാരായ ബിനു വർഗ്ഗീസ്, പോൾ മാത്യു, അസി.സബ് ഇൻസ്പെക്ടർ എം.കെ.ഗിരിജ, സീനിയർ സിവിൽ പൊലീസ് ഓഫീസർ സന്ദീപ് ബാബു, സിവിൽ പൊലീസ് ഓഫീസർമാരായ കെ.എം.നിസാർ, എൻ.പി.സതീഷ് എന്നിവരാണ് പ്രതിയെ അറസ്റ്റ് ചെയ്തത്.