ഉദ്ഘാടനം ചെയ്തു

പത്തനംതിട്ട : ശബരിമല സന്നിധാനത്ത് പുതുതായി നിർമ്മിച്ച പൊലീസ് മെസ്സ് കെട്ടിടത്തിന്റെ ഉദ്ഘാടനം വീഡിയോ കോൺഫറൻസിലൂടെ മുഖ്യമന്ത്രി പിണറായി വിജയൻ നിർവഹിച്ചു. പമ്പ ശ്രീരാമസാകേതം ഓഡിറ്റോറിയത്തിൽ നടന്ന ചടങ്ങിൽ പ്രമോദ് നാരായൺ എം.എൽ.എ അദ്ധ്യക്ഷത വഹിച്ചു. ജില്ലാ പൊലീസ് മേധാവി ആർ.ആനന്ദ് സ്വാഗതവും അഡിഷണൽ ജില്ലാ പൊലീസ് സൂപ്രണ്ട് ടി.ബി.വിജയൻ നന്ദിയും പറഞ്ഞു. പൊലീസ് സേനയുടെ നവീകരണത്തിന്റെ ഭാഗമായി എം.ഒ.പി.എഫ് പദ്ധതി പ്രകാരം 3.5 കോടി രൂപ ചെലവഴിച്ച് 10590 ചതുരശ്ര അടി വിസ്തീർണ്ണത്തിലാണ് കെട്ടിടം നിർമ്മിച്ചത്.