ഭാര്യയുടെ നഗ്ന ചിത്രങ്ങൾ പകർത്തി പ്രചരിപ്പിച്ചയാളെ അറസ്റ്റ് ചെയ്തു

പീരുമേട്: ഭാര്യയുടെ നഗ്ന ദൃശ്യങ്ങൾ പകർത്തി സോഷ്യൽ മീഡിയാ വഴി പ്രചരിപ്പിച്ച് അപമാനിച്ച കുറ്റത്തിന് ഭർത്താവിനെ അറസ്റ്റ് ചെയ്തു. വണ്ടിപ്പെരിയാർ സ്വദേശിനിയായ യുവതിയുടെ പരാതിയിലാണ് അറസ്റ്റ്.
വണ്ടിപ്പെരിയാറിൽ മുമ്പ് ഓട്ടോ ഡ്രൈവറായിരുന്ന തമിഴ് നാട് സ്വദേശിയാണ് തിരുപ്പൂരിൽ നിന്നും പിടിയിലായത്.
വണ്ടിപ്പെരിയാർ ഇൻസ്‌പെക്ടർ അമൃത് സിംഗ് നായകത്തിന്റെ നേതൃത്വത്തിലാണ് ഇയാളെ പിടികൂടിയത്.ഭാര്യയെ ഭീഷണിപ്പെടുത്തിയാണ് ഇയാൾ ദൃശ്യങ്ങൾ ചിത്രീകരിച്ചതെന്ന് പൊലീസ് പറഞ്ഞു. ഇതിനു ശേഷം ദൃശ്യങ്ങൾക്കു ഇൻസ്റ്റാഗ്രാം വഴി ഭാര്യയുടെ പേരിൽ തന്നെ പ്രചരിപ്പിക്കുകയും ബന്ധുക്കൾക്ക് അയച്ചു കൊടുക്കുകയും ചെയ്തതായി പൊലീസ് പറയുന്നു. തമിഴ്നാട്ടിലെ തിരുപ്പൂരിൽ ആംബുലൻസ് ഡ്രൈവറായി ജോലി ചെയ്യുന്നതിനിടെയാണ് പ്രത്യേക അന്വേഷണ സംഘം തമിഴ്നാട്ടിലെത്തി ഇയാളെ അറസ്റ്റ് ചെയ്തത്.പ്രതിയെ പീരുമേട് കോടതിയിൽ ഹാജരാക്കി റിമാൻഡ് ചെയ്തു.