8 തോടുകളുടെ സംരക്ഷണ ഭിത്തിക്ക്  3 കോടി

വൈപ്പിൻ: വൈപ്പിൻ മണ്ഡലത്തിലെ എട്ട് തോടുകളുടെ സംരക്ഷണ ഭിത്തി കെട്ടാൻ സർക്കാർ 3 കോടി രൂപയുടെ ഭരണാനുമതി നൽകിയതായി കെ.എൻ. ഉണ്ണിക്കൃഷ്ണൻ എം.എൽ.എ അറിയിച്ചു. പ്രവൃത്തി തുകയുടെ 20 ശതമാനം ബഡ്ജറ്റിൽ വകയിരുത്തിയിരുന്നു. ചെറായി രാമവർമ്മ കനാൽ​ (21,86,129 രൂപ)​, എടവനക്കാട്ചാത്തങ്ങാട് തോട് (21,46,038രൂപ)​,​ നായരമ്പലം കമ്പനിക്കെട്ട് (40,26,357രൂപ)​, നായരമ്പലം കൊച്ചമ്പലം വെസ്റ്റ് തോട് (61,60,706രൂപ)​, എളങ്കുന്നപ്പുഴ എസ്.സി കോളനി തോട് (8,45,168രൂപ)​, ഞാറക്കൽ പുതുവൽ തോട് (26,61,192രൂപ)​, കടമക്കുടി കരിങ്ങനംചിറ (37,06,863 രൂപ)​,
മുളവുകാട് മുട്ടുങ്കൽ (32,55, 759രൂപ)​ എന്നിവയുടെ സംരക്ഷണത്തിനാണ് ഭരണാനുമതി.