റിലയൻസും സാംസംഗും ഗ്രീൻ അമോണിയ വിതരണ കരാറിൽ

കൊച്ചി: റിലയൻസ് ഇൻഡസ്ട്രീസും ദക്ഷിണ കൊറിയയിലെ സാംസംഗ് സി & ടി കോർപ്പറേഷനും ഗ്രീൻ അമോണിയ വിതരണത്തിന് 15 വർഷത്തെ ദീർഘകാല വാങ്ങൽ കരാറിൽ ഒപ്പുവച്ചു. 2029 സാമ്പത്തിക വർഷത്തിന്റെ രണ്ടാം പാദത്തിൽ കരാർ പ്രാബല്യത്തിലാകും.
മുന്നൂറ് കോടി ഡോളറിലധികം മൂല്യമുള്ള ഈ ഇടപാട് ലോകത്തിലെ ഏറ്റവും വലിയ ദീർഘകാല ഗ്രീൻ അമോണിയ ഓഫ്‌ടേക്ക് കരാറുകളിലൊന്നാണ്.
കരാറിലൂടെ ഗ്രീൻ ഇന്ധനങ്ങളുടെ കയറ്റുമതിയിൽ ഇന്ത്യയ്ക്ക് പുതിയ സ്ഥാനം നേടാനാകും. ശുദ്ധ ഊർജ ഉപകരണങ്ങളുടെ ആഭ്യന്തര നിർമ്മാണം ഉൾപ്പെടെയുള്ള ഇന്ത്യയുടെ നാഷണൽ ഗ്രീൻ ഹൈഡ്രജൻ മിഷന്റെ ഭാഗമായാണ് പദ്ധതി.