യാത്രയയപ്പ് സമ്മേളനവും കവിതാശില്പ ശാലയും

പാനൂർ: വിദ്യാരംഗം കലാ സാഹിത്യ വേദി പാനൂരിന്റെ ആഭിമുഖ്യത്തിൽ യാത്രയയപ്പ് സമ്മേളനവും കവിത ശില്പശാലയും നടന്നു. പ്രശസ്ത സാംസ്‌കാരിക പ്രവർത്തകൻ എം.വി ജനാർദ്ദനൻ ഉദ്ഘാടനം ചെയ്ത്, യാത്രയയക്കപ്പെടുന്നവർക്കുള്ള ഉപഹാരം നൽകി. വാങ്മയം ഭാഷ പ്രതിഭ പരീക്ഷ വിജയികൾക്കുള്ള ഉപഹാരം പാനൂർ എ.ഇ.ഒ ബൈജു കേളോത്ത് സമ്മാനിച്ചു. പാനൂർ ബി.പി.സി കെ. സിമ്മി, എച്ച്.എം ഫോറം സെക്രട്ടറി നജീബ് മാളിൽ, അക്കാദമിക് കൗൺസിൽ സെക്രട്ടറി പി.പി സുധീർകുമാർ, വിദ്യാരംഗം ജില്ല കമ്മിറ്റി അംഗം ടി. അരുൺകുമാർ, വൈസ് ചെയർമാൻ എം.ടി അനിത, അസിസ്റ്റന്റ് കോ ഓഡിനേറ്റർ പി. മനോഹരൻ എന്നിവർ സംസാരിച്ചു. കവിത ശില്പശാലയും നടന്നു. വിദ്യാരംഗം ഉപജില്ലാ കോ ഓഡിനേറ്റർ കെ.എം സുനലൻ സ്വാഗതവും അസിസ്റ്റന്റ് കോ ഓഡിനേറ്റർ എസ്.ആർ ജിൻസി നന്ദിയും പറഞ്ഞു.