തട്ടുകടയിലെ പണം തട്ടിയെടുത്തയാൾ പിടിയിൽ

​കഴക്കൂട്ടം: തട്ടുകടയിൽ കയറി ഉടമയെ മർദ്ദിച്ച് പണം തട്ടിയെടുത്ത പ്രതിയെ തുമ്പ പൊലീസ് പിടികൂടി. ആറ്റിപ്ര, പൗണ്ടുകടവ്, നന്ദനം വീട്ടിൽ രാജീവ് (40,ആട്ടോ രാജീവ് ) ആണ് അറസ്റ്റിലായത്. ​കഴിഞ്ഞ വെള്ളിയാഴ്ചയായിരുന്നു സംഭവം. അരശുമൂട്ടിലെ തട്ടുകടയിലെത്തിയ രാജീവ്, കടയുടമയായ ബംഗാൾ സ്വദേശി സോമദേവിനോട് പണം ആവശ്യപ്പെടുകയും. പണം നൽകാൻ വിസമ്മതിച്ച സോമദേവിനെ ക്രൂരമായി മർദ്ദിക്കുകയും പോക്കറ്റിലുണ്ടായിരുന്ന പണം ബലമായി തട്ടിയെടുക്കുകയും ചെയ്യുകയായിരുന്നു. ​രാജീവ് തുമ്പ സ്റ്റേഷനിലെ റൗഡി ഷീറ്റ് ലിസ്റ്റിൽ ഉൾപ്പെട്ടയാളാണെന്ന് പൊലീസ് അറിയിച്ചു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.