50 വയസിന് മുകളിലാണോ പ്രായം? തിരുവനന്തപുരത്ത് തന്നെ‌ മികച്ച ജോലി ലഭിക്കാൻ ഇതാ‌ അവസരം

തിരുവനന്തപുരം: കാഞ്ഞിരംകുളം ഗവ.കെ.എൻ.എം ആർട്‌സ്‌ ആന്റ് സയൻസ് കോളേജിൽ ഒരു സെക്യൂരിറ്റി ജീവനക്കാരനെ ദിവസ വേതനാടിസ്ഥാനത്തിൽ നിയമിക്കുന്നു. 50നും 65നും ഇടയിൽ പ്രായമുള്ള പുരുഷന്മാർക്ക് അപേക്ഷിക്കാം. പിടിഎയാണ് നിയമിക്കുന്നത്. താത്പര്യമുള്ളവർ ആവശ്യമായ രേഖകൾ സഹിതം കോളേജ് ഓഫീസിൽ നേരിട്ടോ knmcollege@gmail.com എന്ന ഇമെയിൽ വിലാസത്തിലോ മേയ് 18ന് വൈകീട്ട് 4ന് മുമ്പ് അപേക്ഷിക്കുക. അഭിമുഖം മേയ് 22ന് രാവിലെ 10ന് കോളേജ് പ്രിൻസിപ്പൽ ഓഫീസിൽ നടക്കും.