SignIn
Kerala Kaumudi Online
Saturday, 07 December 2019 10.39 PM IST

മാവോയിസ്റ്റ് വേട്ടകൾ നടക്കാൻ കാരണം കേന്ദ്ര സർക്കാരിന്റെ കോടികളാണ്: കെമാൽ പാഷ

kemal-pasha

കൊച്ചി: കേരളത്തിൽ മാവോയിസ്റ്റ് വേട്ടകൾ നടക്കുന്നതിന് കാരണം കേന്ദ്ര സർക്കാർ മാവോയിസ്റ്റ് വേട്ടകൾക്കായി നൽകുന്ന കോടിക്കണക്കിന് രൂപയാണെന്ന് പറഞ്ഞ് കേരള ഹൈക്കോടതി ജഡ്ജിയായിരുന്ന ജസ്റ്റിസ് കെമാൽ പാഷ. മജിസ്റ്റീരിയൽ അന്വേഷണം നടക്കുന്ന ഒരു വിഷയത്തിൽ കേരളത്തിന്റെ ചീഫ് സെക്രട്ടറി അഭിപ്രായപ്രകടനം നടത്തിയത് കോടതി അലക്ഷ്യമാണെന്നും കെമാൽ പാഷ പറഞ്ഞു. എ.ഐ.വൈ.എഫ് എറണാകുളം ജില്ലാ കമ്മിറ്റി നടത്തിയ ജനകീയ സദസ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു കെമാൽ പാഷ. മാവോയിസ്റ്റ് ബന്ധം ആരോപിക്കപ്പെട്ട് അറസ്റ്റ് ചെയ്യപ്പെട്ട അലൻ ഷുഹൈബിന്റെയും താഹ ഫസലിന്റെയും ജാമ്യാപേക്ഷ കോഴിക്കോട് ജില്ലാ കോടതി തള്ളിയിരുന്നു. യു.എ.പി.എ നിലനിൽക്കുന്ന അവസ്ഥയിൽ ജാമ്യം നൽകാനാവില്ല എന്നാണ് കോടതി അറിയിച്ചത്. കേസിന്റെ മുൻപോട്ടുള്ള അന്വേഷണത്തിന് ജാമ്യം നൽകുന്നത് തടസമാകും എന്ന് പ്രോസിക്യൂഷൻ കോടതിയിൽ വാദിച്ചിരുന്നു. ഇരുവർക്കുമെതിരെയുള്ള യു,എ.പി.എ പിൻവലിക്കുന്നത് സംബന്ധിച്ചും പ്രോസിക്യൂഷൻ കോടതിയിൽ ഉറപ്പൊന്നും നൽകിയിട്ടില്ല. വിദ്യാർത്ഥികൾക്ക് ജാമ്യം അനുവദിക്കുന്നതിനെ എതിർത്തുകൊണ്ട് ഹിന്ദു ഐക്യവേദിയും കോടതിയെ സമീപിച്ചിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA, MAOISM, ARREST, KEMAL PASHA, KERALA POLICE, PINARAYI VIJAYAN, AIYF
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.