ന്യൂസിലൻഡ് പാർലമെന്റിൽ സംസ്‌കൃതത്തിൽ സത്യപ്രതിജ്ഞ ചെയ്ത് ഇന്ത്യൻ വംശജൻ

വെല്ലിംഗ്ടൺ: ന്യൂസിലൻഡ് പാർലമെന്റിൽ സംസ്‌കൃതത്തിൽ സത്യപ്രതിജ്ഞ ചെയ്ത് ഇന്ത്യൻ വംശജനായ ഡോ.ഗൗരവ് ശർമ. ബുധനാഴ്ചയായിരുന്നു സത്യപ്രതിജ്ഞാ ചടങ്ങ്. ഹിമാചൽപ്രദേശിലെ ഹമിർപുരിൽ വേരുകളുള്ള ഗൗരവ് ഹാമിൽട്ടൺ വെസ്റ്റിൽ നിന്ന് ലേബർ പാർട്ടി സ്ഥാനാർത്ഥിയായാണ് വിജയിച്ചത്.

'ന്യൂസിലൻഡ് പാർലമെന്റിലേക്ക് പുതിയതായി തിരഞ്ഞെടുക്കപ്പെട്ട, ഏറ്റവും പ്രായം കുറഞ്ഞ അംഗമായ ഗൗരവ് ആദ്യം ന്യൂസിലൻഡിലെ പ്രാദേശിക ഭാഷയായ മാവോരിയിലും പിന്നീട് സംസ്‌കൃതത്തിലും സത്യപ്രതിജ്ഞ ചൊല്ലി. ഹിന്ദിയിൽ സത്യപ്രതിജ്ഞ ചൊല്ലാൻ ആലോചിച്ചിരുന്നു. ഒപ്പം എന്റെ പ്രാഥമിക ഭാഷയായ പഹാരിയെക്കുറിച്ചും പഞ്ചാബിയെക്കുറിച്ചും ആലോചിച്ചു. എല്ലാവരേയും സന്തോഷിപ്പിക്കുക എന്നത് ബുദ്ധിമുട്ടാണ്. അതുകൊണ്ടാണ് എല്ലാവരും ആദരിക്കുന്ന സംസ്‌കൃതം തിരഞ്ഞെടുത്തത്'- ഗൗരവ് ട്വീറ്റ് ചെയ്തു.

1996 മുതൽ ന്യൂസിലൻഡിൽ താമസമാക്കിയതാണ് ഗൗരവിന്റെ കുടുംബം.