SignIn
Kerala Kaumudi Online
Wednesday, 03 March 2021 4.53 PM IST

ബ്രഹ്മപുത്രയിൽ അണകെട്ടാൻ ഇന്ത്യയും

brahmaputhra-dam

ന്യൂഡൽഹി: തങ്ങളുടെ അധീനതയിലുള്ള ടിബറ്റൻ പ്രദേശത്ത് ചൈന നിർമ്മിക്കുന്ന വൻ ജലവൈദ്യുത പദ്ധതിക്ക് ബദലായി ബ്രഹ്മപുത്ര നദിയിൽ ഇന്ത്യയും അണക്കെട്ട് നിർമ്മിക്കാനൊരുങ്ങുന്നു. ചൈനയുടെ അണക്കെട്ട് മൂലം നീരൊഴുക്ക് തടസപ്പെടാനുള്ള സാദ്ധ്യത കണക്കിലെടുത്ത് ആവശ്യമായ വെള്ളം സംഭരിക്കുകയാണ് ഇന്ത്യയുടെ ലക്ഷ്യം.

ചൈനയുടെ നീക്കം ആശങ്കയുണ്ടാക്കുന്ന സാഹചര്യത്തിൽ അരുണാചൽ പ്രദേശിൽ പുതിയ അണക്കെട്ട് നിർമ്മിക്കാനുള്ള ആലോചനയിലാണെന്ന് കേന്ദ്ര ജലമന്ത്രാലയ വൃത്തങ്ങൾ അറിയിച്ചു. ടിബറ്റിലൂടെ ഒഴുകി ഇന്ത്യൻ അതിർത്തിക്കുള്ളിൽ അരുണാചൽ പ്രദേശിൽ എത്തുന്ന ഭാഗത്ത് ബ്രഹ്മപുത്രയിൽ വെള്ളത്തിന്റെ അളവ് കൂടുതലാണ്. ഇതുകണക്കിലെടുത്താണ് അവിടെ അണക്കെട്ട് നിർമ്മിക്കാൻ നിർദ്ദേശം ഉയർന്നത്.

കിഴക്കൻ ലഡാക്കിൽ നിയന്ത്രണ രേഖയെ ചൊല്ലി തർക്കത്തിലുള്ള ഇന്ത്യയും ചൈനയും തമ്മിൽ ജലയുദ്ധത്തിന് വഴിതെളിക്കുന്നതാണ് ബ്രഹ്മപുത്രയിലെ അണക്കെട്ട് പദ്ധതി. ചൈനയുടെ 60 ഗീഗാവാട്ട് വൈദ്യുതി ഉത്പാദിപ്പിക്കാൻ ലക്ഷ്യമിടുന്ന വൻകിട പദ്ധതി അരുണാചൽ പ്രദേശ് അതിർത്തിയോട് ചേർന്നു കിടക്കുന്ന ടിബറ്റൻ പ്രവിശ്യയിലാണ് നിർമ്മിക്കുന്നത്. അതിനിടെ ചൈനയുടെ നീക്കത്തിനെതിരെ ബംഗ്ളാദേശും രംഗത്തെത്തി. തങ്ങളുടെ ആശങ്കകൾ പരിഹരിക്കാതെ ചൈന പദ്ധതിയുമായി മുന്നോട്ടു പോകരുതെന്നാണ് അവരുടെ ആവശ്യം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, BRAHMAPUTHRA DAM
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.