SignIn
Kerala Kaumudi Online
Friday, 22 October 2021 3.19 AM IST

സുപ്രീംകോടതി ജീവനക്കാർക്ക് കൊവിഡ്, വാദം പൂർണമായും വെർച്വലാക്കി

supream-court

ന്യൂഡൽഹി: സുപ്രീംകോടതിയിലെ 40ഓളം ജീവനക്കാർക്ക് കൊവിഡ് സ്ഥിരീകരിച്ച പശ്ചാത്തലത്തിൽ കോടതിയുടെ പ്രവർത്തനം പൂർണമായും വെർച്വലാക്കി. 90 ജീവനക്കാരിൽ കൊവിഡ് പരിശോധന നടത്തിയപ്പോൾ 40 പേരിൽ രോഗബാധ കണ്ടെത്തി. പകുതിയിലധികം ജീവനക്കാർ നിരീക്ഷണത്തിലാണ്. മൂവായിരത്തിലധികം ജീവനക്കാരാണ് സുപ്രീംകോടതിയിൽ ഉള്ളത്.

ജുഡിഷ്യൽ പ്രവർത്തനങ്ങളെ മഹാമാരി ബാധിക്കുകയില്ലെന്ന് സുപ്രീംകോടതി ഇ-കമ്മിറ്റി ചെയർമാൻ കൂടിയായ ജസ്റ്റിസ് ഡി.വൈ. ചന്ദ്രചൂഡ് അറിയിച്ചു. ജഡ്ജിമാർ അവരവരുടെ വസതികളിലിരുന്ന് വീഡിയോ കോൺഫറൻസിംഗിലൂടെ വാദം കേൾക്കും. 16 ബെഞ്ചുകൾ പ്രവർത്തിക്കും. കൂടാതെ കോടതി മുറികളും പരിസരങ്ങളും ശുചീകരിക്കുമെന്നും അദ്ദേഹം അറിയിച്ചു.

ഡൽഹി, അഹമ്മദാബാദ് കോടതികളിലെ ജഡ്ജിമാർക്കും ജീവനക്കാർക്കും കൊവിഡ് സ്ഥിരീകരിച്ചു. തുടർന്ന് കോടതികളുടെ പ്രവർത്തനം വിർച്വലാക്കിയിട്ടുണ്ട്.

കഴിഞ്ഞ വർഷം ലോക്ക്ഡൗൺ പ്രഖ്യാപിച്ചതിന് ശേഷം കോടതികൾ ഭാഗികമായി ഓൺലൈനായാണ് പ്രവർത്തിച്ചിരുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, SUPREAM COURT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.