ബംഗളൂരു: കേരളത്തിൽ നിന്ന് എത്തുന്നവർക്ക് കർണാടകയിൽ നിർബന്ധിത ക്വാറന്റീൻ ഏർപ്പെടുത്തി. ഇത് സംബന്ധിച്ച് ഉത്തരവ് കർണാടക സർക്കാർ പുറത്തിറക്കി. ഏഴു ദിവസമായിരിക്കും നിർബന്ധിത ക്വാറൻ്റീൻ. എട്ടാ ദിവസം ആർ.ടി.പി.സി.ആർ പരിശോധന നടത്തും. കേരളത്തിൽ നിന്ന് ആർ.ടി.പി.സി.ആർ നെഗറ്റീവ് സർട്ടിഫിക്കറ്റുമായി വരുന്നവർക്കും ക്വാറൻ്റീനും പരിശോധനയും നിർബന്ധമാണ്.

വിമാനത്താവളങ്ങളിലും റെയിൽവേസ്റ്റേഷനിവും ഇതിനായി പ്രത്യേക സംഘത്തെ നിയോഗിക്കും. അതിർത്തിയിലും പരിശോധന കർശനമാക്കും. കേരളത്തിന്റെ അതിർത്തിയിൽ കൂടുതൽ പൊലീസിന് നിയോഗിക്കും.

രണ്ടു ഡോസ് വാക്സീനും സ്വീകരിച്ച രോഗലക്ഷണങ്ങൾ ഇല്ലാത്തവർക്ക് യാത്ര ചെയ്യാൻ ആർടിപിസിആർ പരിശോധന വേണ്ടെന്നായിരുന്നു കേന്ദ്ര സർക്കാരിന്റെ പുതുക്കിയ മാർഗനിർദ്ദേശം. ഇതിന് വിരുദ്ധമായാണ് കർണാടകത്തിന്റെ ഉത്തരവ്.