SignIn
Kerala Kaumudi Online
Wednesday, 27 October 2021 10.47 PM IST

'കോൺഗ്രസിൽ താൻ അപമാനിതനായി ഒന്നല്ല മൂന്നുവട്ടം'; ഭാവി പരിപാടികൾ സമയമാകുമ്പോൾ അറിയിക്കുമെന്ന് അമരീന്ദർ സിംഗ്

congress

ന്യൂഡൽഹി: മുഖ്യമന്ത്രി സ്ഥാനം രാജിവച്ചതിന് പിന്നാലെ കോൺഗ്രസ് ദേശീയ നേതൃത്വത്തിനെതിരെ ആഞ്ഞടിച്ച് ക്യാപ്‌റ്റൻ അമരീന്ദർ സിംഗ്. 'കഴിഞ്ഞ രണ്ട് മാസത്തിനിടെ കോൺഗ്രസ് നേതൃത്വം കാരണം ഞാൻ മൂന്ന് തവണയാണ് അപമാനിതനായത്. മുൻപ് രണ്ടുതവണ അവർ പാർട്ടി എംഎൽഎമാരെ ഡൽഹിയിലേക്ക് വിളിപ്പിച്ചു. ഇപ്പോഴിതാ കോൺഗ്രസ് ലെജിസ്‌ളേറ്റീവ് പാർട്ടി യോഗം ചണ്ഡിഗഡിൽ വിളിച്ചിരിക്കുന്നു.' ഗവർണർ ബൻവാലിലാൽ പുരോഹിതിന് രാജി സമർപ്പിച്ച ശേഷം മാദ്ധ്യമ പ്രവർത്തകരോട് അദ്ദേഹം പറഞ്ഞു.

കോൺഗ്രസ് താൽക്കാലിക അദ്ധ്യക്ഷ സോണിയാ ഗാന്ധിയെ മുഖ്യമന്ത്രി സ്ഥാനത്ത് തുടരാൻ ആഗ്രഹമില്ലെന്ന് അറിയിച്ച ശേഷമാണ് അമരീന്ദർ രാജി നൽകിയത്. സമയമാകുമ്പോൾ ഭാവി പരിപാടികൾ അറിയിക്കുമെന്നും അദ്ദേഹം പ്രതികരിച്ചു. കഴിഞ്ഞ അ‌ഞ്ച് പതിറ്റാണ്ടായി തന്നോടൊപ്പം നിൽക്കുന്ന അനുകൂലികളോട് ആലോചിച്ചാകും ഇക്കാര്യങ്ങളിൽ തീരുമാനമെടുക്കുക. നിലവിൽ താൻ കോൺഗ്രസ് അംഗമാണെന്നും അമരീന്ദർ സിംഗ് വ്യക്തമാക്കി.

കോൺഗ്രസ് ഹൈക്കമാന്റിന് വിശ്വാസമുള‌ളവർ മുഖ്യമന്ത്രി സ്ഥാനത്തേക്ക് എത്തുമെന്ന് അമരീന്ദർ സിംഗ് പ്രതികരിച്ചു. കോൺഗ്രസ് സംസ്ഥാന അദ്ധ്യക്ഷൻ നവ്ജോത് സിംഗ് സിദ്ദുവുമായുള‌ള ദീർഘകാലമായുള‌ള തർക്കമാണ് ഇന്ന് ക്യാപ്‌റ്റൻ അമരീന്ദർ സിംഗിന്റെ രാജിയിൽ കലാശിച്ചത്.

അതേസമയം കോൺഗ്രസ് പഞ്ചാബ് മുൻ അദ്ധ്യക്ഷൻ സുനിൽ ജഘർ, സിദ്ദു എന്നിവരെയാണ് മുഖ്യമന്ത്രി സ്ഥാനത്തേക്ക് കോൺഗ്രസ് നേതൃത്വം പരിഗണിക്കുന്നതെന്നാണ് സൂചന. ഇതിൽ അനുഭവ സമ്പത്ത് കൂടിയ സുനിൽ ജഘർ തന്നെയാകും മുഖ്യമന്ത്രി സ്ഥാനത്തേക്ക് ആദ്യ പരിഗണനയിൽ വരുന്ന പേര്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, CAPTAIN, AMAREENDAR SINGH, CONGRESS, LEADERSHIP
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.