തിരുവനന്തപുരം: തുടർഭരണകാലത്ത് ആദ്യമായി പ്രഖ്യാപിച്ച നൂറ് ദിന കർമ്മപദ്ധതി കൊവിഡ് പ്രതിസന്ധിയിലും വിജയകരമായി പൂർത്തിയാക്കാൻ കഴിഞ്ഞതായി മുഖ്യമന്ത്രി പിണറായി വിജയൻ പറഞ്ഞു. പശ്ചാത്തലസൗകര്യം, സാമൂഹ്യമേഖലകളിലെ വികസനം, ക്ഷേമപരിപാടികൾ നടപ്പാക്കൽ എന്നിങ്ങനെ എല്ലാമേഖലകളെയും സ്പർശിക്കുന്ന പരിപാടികളാണ് ലക്ഷ്യമിട്ടത്. ചില ലക്ഷ്യങ്ങൾ മാത്രമാണ് ഇനി പൂർത്തിയാകാനുള്ളത്. ലൈഫ് പദ്ധതിയിലൂടെ 10,​000 വീടുകളാണ് ലക്ഷ്യമിട്ടതെങ്കിലും 12,067 വീടുകൾ പൂർത്തീകരിച്ചു. 13500 കുടുംബങ്ങൾക്ക് പട്ടയം വിതരണം ചെയ്തു. വിവിധ വകുപ്പുകൾ വഴി 74651 പേർക്ക് തൊഴിൽ നൽകി. പട്ടികജാതിവകുപ്പിന്റെ കീഴിൽ പൂർത്തിയാകാതെ കിടന്ന 1188 വീടുകൾ പൂർത്തിയാക്കി. കിഫ്ബി വഴിയും റീബിൽഡ് കേരള വഴിയും നിരവധി റോഡുകളുടെ നിർമ്മാണം പൂർത്തിയാക്കി. ഇതിനുപുറമെ 286.36 കോടിയുടെ റോഡ് പദ്ധതികൾക്ക് കരാറിലേർപ്പെട്ടിട്ടുണ്ട്. ഉന്നതവിദ്യാഭ്യാസ മേഖലയിൽ സാമ്പത്തികമായി പിന്നാക്കമുള്ള മികവ് പുലർത്തുന്ന വിദ്യാർത്ഥികൾക്ക് ഒരു വർഷത്തിൽ 1000 പേർക്ക് ഒരു ലക്ഷം രൂപയുടെ സ്‌കോളർഷിപ്പിനുള്ള ഉത്തരവ് പുറപ്പെടുവിച്ചു. 23,​566 ഹെക്ടർ ഭൂമിയിൽ ജൈവകൃഷി ആരംഭിച്ചു. വാതിൽപ്പടി സേവന പദ്ധതിയുടെ ഉദ്ഘാടനം നിർവഹിച്ചു. കൊച്ചിയിൽ ഇന്റഗ്രേറ്റഡ് സ്റ്റാർട്ടപ്പ് ഹബ് പൂർത്തിയാക്കി. പരിസ്ഥിതി സംരക്ഷണത്തിന്റെ ഭാഗമായി 2,15,721 വൃക്ഷത്തൈകൾ വച്ചുപിടിപ്പിച്ചെന്നും മുഖ്യമന്ത്രി പറഞ്ഞു.

 ശ​ബ​രി​മ​ല​ ​വി​മാ​ന​ത്താ​വ​ളം: ചോ​ദ്യ​ങ്ങ​ൾ​ ​സ്വാ​ഭാ​വി​ക​മെ​ന്ന് ​മു​ഖ്യ​മ​ന്ത്രി

​ശ​ബ​രി​മ​ല​ ​വി​മാ​ന​ത്താ​വ​ള​ത്തി​നാ​യി​ ​അ​മേ​രി​ക്ക​ൻ​ ​ക​ൺ​സ​ൾ​ട്ട​ൻ​സി​ ​ന​ട​ത്തി​യ​ ​പ​ഠ​നം​ ​സ​മ​ഗ്ര​മ​ല്ലെ​ന്ന് ​ത​നി​ക്ക് ​വി​വ​ര​മി​ല്ലെ​ന്നും​ ​ഏ​ത് ​പ​ഠ​ന​ത്തി​ലും​ ​ചോ​ദ്യ​ങ്ങ​ളു​ണ്ടാ​വു​ക​ ​സ്വാ​ഭാ​വി​ക​മാ​ണെ​ന്നും​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​വാ​ർ​ത്താ​ ​സ​മ്മേ​ള​ന​ത്തി​ൽ​ ​പ​റ​ഞ്ഞു.​ ​ഇ​തേ​ച്ചൊ​ല്ലി​ ​പ്ര​ത്യേ​ക​ ​ആ​ശ​ങ്ക​ ​വേ​ണ്ട.​ ​ചോ​ദ്യ​ങ്ങ​ൾ​ക്ക് ​മ​റു​പ​ടി​ ​ന​ൽ​കു​മ്പോ​ൾ​ ​പ്ര​ശ്നം​ ​അ​വ​സാ​നി​ക്കും.​ ​നാ​ട് ​ആ​ഗ്ര​ഹി​ക്കു​ന്ന​ ​പ​ദ്ധ​തി​യാ​ണി​തെ​ന്നും​ ​മു​ഖ്യ​മ​ന്ത്രി​ ​വ്യ​ക്ത​മാ​ക്കി.