SignIn
Kerala Kaumudi Online
Thursday, 19 September 2024 4.11 AM IST

റോൾസ്-റോയ്‌സും ഇ-പാതയിലേക്ക്

Increase Font Size Decrease Font Size Print Page
rolls-royce

കൊച്ചി: വാഹന ലോകത്ത് ആഡംബരത്തിന്റെ അവസാന വാക്കായ റോൾസ്-റോയ്‌സും ഇലക്‌ട്രിക് പാതയിലേക്ക് പൂർണമായും ചുവടുമാറ്റുന്നു. 2030ഓടെ കമ്പനിയുടെ എല്ലാ മോഡലുകളും പെട്രോളിൽ നിന്നുമാറി ഇലക്‌ട്രിക് ആകും.

റോൾസ്-റോയ്‌സിന്റെ ആദ്യ സമ്പൂർണ ഇലക്‌ട്രിക് മോഡൽ 'സ്‌പെക്‌ടർ" 2023ൽ വിപണിയിലെത്തും. മറ്റൊരു ബ്രിട്ടീഷ് ആഡംബര വാഹന നിർമ്മാതാക്കളായ ബെന്റ്‌ലി, ടാറ്റാ ഗ്രൂപ്പിന് കീഴിലെ ബ്രിട്ടീഷ് ബ്രാൻഡായ ജാഗ്വാറിന്റെ ലാൻഡ്-റോവർ എന്നിവയും ഇ-പാതയിലേക്ക് കടന്നിട്ടുണ്ട്.

1904 മേയ് നാലിനാണ് ചാൾസ് റോൾസ്, ഹെൻറി റോയ്സ് എന്നിവർ ചേർന്ന് റോൾസ്-റോയ്‌സ് ബ്രാൻഡിന് തുടക്കമിട്ടത്. അതിനുശേഷം ഇതിനകം റോൾസ്-റോയ്‌സ് എടുക്കുന്ന ഏറ്റവും സുപ്രധാനമായ തീരുമാനമാണ് പൂർണമായും ഇലക്‌ട്രിക് ആകുകയെന്നതെന്ന് കമ്പനിയുടെ ചീഫ് എക്‌സിക്യൂട്ടീവ് ടോർസ്‌റ്റെൻ മുള്ളർ-ഒട്‌വോസ് പറഞ്ഞു.

റോൾസ്-റോയ്‌സിന്റെ മാതൃബ്രാൻഡായ ബി.എം.ഡബ്ല്യു 2030ഓടെ 50 ശതമാനം മോഡലുകൾ ഇ-പാത സ്വീകരിക്കുമെന്ന് അറിയിച്ചിട്ടുണ്ട്. മറ്റൊരു ഉപ ബ്രാൻഡായ മിനി ഈ ദശാബ്‌ദത്തോടെ പൂർണമായും ഇലക്‌ട്രിക്കിലേക്ക് മാറും.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: BUSINESS, ROLLS ROYCE, DRIVERS CABIN
KERALA KAUMUDI EPAPER
Kaumudi Salt & Pepper
TRENDING IN LIFESTYLE
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.