തിരുവനന്തപുരം: പത്തനംതിട്ടയിലെ മലയോര മേഖലയിൽ വീണ്ടും കനത്ത മഴ തുടരുന്നു. പമ്പാ നദിയില് ജലനിരപ്പ് ഉയരുന്നുണ്ട്. നദീ തീരത്തുള്ളവര് അതീവ ജാഗ്രത പാലിക്കണമെന്ന് മന്ത്രി വീണാ ജോർജ് അറിയിച്ചു. ഇന്ന് പകല് മൂന്ന് മീറ്ററോളം ജലനിരപ്പ് താഴ്ന്നിരുന്നു. എന്നാൽ പിന്നീട് ജല നിരപ്പ് വീണ്ടും ഉയരുകയായിരുന്നു. പമ്പാനദി, മണിമലയാര്, അച്ചന്കോവിലാര് എന്നീ മൂന്ന് നദികളും അപകട നിലയ്ക്ക് മുകളിലൂടെയാണ് ഒഴുകുന്നത്. കക്കി ഡാം നാളെ തുറക്കാന് സാദ്ധ്യതയുണ്ടെന്നും മന്ത്രി അറിയിച്ചു. കക്കി ഡാമിലേക്കുള്ള നീരൊഴുക്ക് കൂടിയിട്ടുണ്ട്. രാവിലെയുള്ള മഴയുടെ തോതും ജലനിരപ്പും സംബന്ധിച്ചിട്ടുള്ള കാര്യങ്ങള് പരിഗണിച്ചായിരിക്കും ഡാം തുറക്കുക
നദീതീരങ്ങളില് വെള്ളം ഉയരാന് സാദ്ധ്യതയുള്ള ഇടങ്ങളില് നിന്നും ആളുകള് സുരക്ഷാ സ്ഥാനങ്ങളിലേക്ക് മാറാൻ നിർദ്ദേശം നൽകിയിരുന്നു. ജാഗ്രതാ നിര്ദേശങ്ങള് പാലിക്കണമെന്നും മന്ത്രി അഭ്യത്ഥിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |